鴉倫·獲加

出自維基百科,自由嘅百科全書
(由Alan Walker跳轉過嚟)
鴉倫·獲加
Alan Walker
音樂家
出世鴉倫·奧拉符·獲加
(1997-08-24) 1997年8月24號(26歲)
英國 英國英格蘭諾咸頓
職業DJ
音樂類
出道地挪威 挪威卑爾根
活躍年代2012年至到而家
唱片公司
網站官方網站

鴉倫·奧拉符·獲加英文Alan Olav Walker1997年8月24號—),係一個喺英格蘭諾咸頓出世嘅挪威籍音樂製作人。佢因為電子音樂單曲《人間迷走》一炮而紅 。

事業[編輯]

早期發展[編輯]

獲加喺英格蘭諾咸頓出世,兩歲嗰陣跟挪威籍嘅阿媽同英國籍嘅老豆搬咗去挪威卑爾根。喺數碼時代之中長大,獲加開始對電腦有興趣,後來畀編程同埋平面設計吸引。佢冇任何音樂背景,只係靠睇YouTube啲片自學。由14歲就開始學習同埋試整音樂,佢用部筆電整咗30至40首歌。2012年,佢開始將自己啲音樂擺上自己個YouTube頻道同埋SoundCloud頁面,喺網上嘅評價幫助之下,佢嘅音樂吸引咗音樂品牌嘅注意。

2014年[編輯]

Fade[編輯]

獲加喺2014年11月19號經YouTube好出名嘅音樂品牌NoCopyrightSounds(NCS)發佈咗佢嘅電子音樂曲目「Fade」。呢首歌出咗之後引發咗網上廣泛嘅迴響,成為咗NCS頻道最熱門嘅曲目之餘,亦都成為咗YouTube上面最常用嘅影片背景音樂之一。「Fade」之後收錄喺NCS嘅專輯「NCS: Uplifting」。

2015年[編輯]

Spectre、Force[編輯]

獲加喺2015年1月6號經NCS發佈咗佢嘅電子音樂曲目「Spectre」,成為咗嗰個頻道入面第二熱門嘅曲目,僅次於「Faded」。「Spectre」之後收錄喺NCS嘅專輯「NCS: The Best of 2015」。「Force」之後亦都喺2015年4月2號經NCS發佈。「Force」之後收錄喺NCS嘅專輯「NCS: Infinity」。

人間迷走(Faded)[編輯]

Alan Walker in 2016

獲加之後同瑞典索尼音樂簽約,喺2015年12月4號推出咗佢第一首單曲《人間迷走》,以佢早前嘅電子音樂曲目「Fade」作為基礎,由挪威籍女歌手伊斯琳·索爾海姆獻唱。呢首歌出咗之後引發咗環球嘅極大迴響,高居挪威嘅VG-LISTA單曲榜同瑞典嘅Sverigetopplistan排行榜榜首,先後上咗32國嘅iTunes冠軍同埋21國嘅流行單曲榜頭十名,同時打入埋Spotify嘅全球榜頭十名,獲加成為咗全球樂評同樂迷相當關注嘅樂壇新人。截至2016年9月5日,《人間迷走》喺YouTube嘅觀看次數已經突破咗6億。國際首屈一指嘅DJ提雅斯多亦都有為《人間迷走》整重混。

2016年[編輯]

唱首歌伴我入眠(Sing Me To Sleep)[編輯]

獲加喺2016年6月3號經瑞典索尼音樂推出咗全新嘅單曲《唱首歌伴我入眠》,繼續由女歌手伊斯琳·索爾海姆獻唱。呢首歌出咗之後上咗7國iTunes冠軍、超過1700萬次嘅Spotify串流。截至2016年10月3號,《唱首歌伴我入眠》喺YouTube嘅觀看次數已經突破咗一億。

參考[編輯]