Talk:鴉倫·獲加

呢個譯名唔係普通話譯名，建議你去中大個網查音。--Okstartnow (傾偈) 2016年9月10號 (六) 07:10 (UTC)

我當初提出改名係因為呢兩個詞都有慣用譯名。Alan個名好多時譯「阿蘭」，而Walker之所以譯「獲加」係因為有支啤酒JOHNNIE WALKER（又譯莊尼獲加或尊尼獲加）同埋足球員保羅獲加（Paul Walker）、重有英格蘭足球員基爾·獲加（Kyle Walker），加上香港有條獲嘉道（Walker Road）嘅馬路名，後邊嘅Walker都係譯「獲加」兩個字。而且嗰堆譯名同原文發音相差唔遠。--PQ77wd (傾偈) 2016年9月10號 (六) 07:17 (UTC)

但係鴉能·矱鋸更加接近Alan Walker個音，所以不如就繼續用喇--Okstartnow (傾偈) 2016年9月10號 (六) 08:00 (UTC)

反對，「鴉能·矱鋸」個音唔似原文發音，因為個「能」字嘅聲母係n音開頭。用能字根本體驗唔到原文發音嘅準則。--PQ77wd (傾偈) 2016年9月10號 (六) 09:59 (UTC)

Walker 譯做「獲加」幾好，有理有據。不過，喺英式英文，Al 或 Ar 譯做「鴉」唔係原創，「鴉打街」就係 Arthur Street 為例，「鴉」比「阿」更加近原文發音，「鴉」長而重，「阿」就短而輕。所可以諗：「鴉倫 獲加」--WikiCantona (傾偈) 2016年9月10號 (六) 10:21 (UTC)

譯「鴉倫」我都唔反對。不過英文唔似東亞啲中文同日文噉，佢唔分音調高低。不過我查過相關嘅搜索引擎，Alan多數都係譯「阿蘭」或「阿倫」或「艾倫」（[1]，[2]，[3]、[4]）。另外，我重搵到有幾位帶Alan嘅名人都係圍繞譯「阿蘭」或「阿倫」或「艾倫」呢三種是但一個（例如：阿蘭·卡華路、艾倫賓、阿倫賓尼特、阿蘭圖靈；睇埋：zh:艾伦）【阿蘭·達瓦卓瑪個漢化譯名嘅例外】。睇下點用個標題喇，再唔明嘅搵下語言大師Cedric。--PQ77wd (傾偈) 2016年9月10號 (六) 10:39 (UTC)

「能」比起「倫」比較接近Alan，所以不如就繼續用鴉能·矱鋸 --Okstartnow (傾偈) 2016年9月10號 (六) 10:43 (UTC)

英文係唔分音調高低。不過，有分輕重音，睇：en:Stress (linguistics)，Alan 中 A 為重音，而粵文譯音成日唔理重音喺邊，成日就淨係睇個聲母，人地重音嘅音節就搵啲4、5調嘅字，聲母啱就乜都唔理，難睇又難聽。--WikiCantona (傾偈) 2016年9月10號 (六) 12:55 (UTC)

建議用「鴉蘭·獲嘉」。LC 粵維語錄、粵維辭典啟動！ 2016年9月10號 (六) 14:20 (UTC)

另外Olav建議譯「奧拉符」或「阿立符」，阿讀痾。而家嘅「鏖」字似乎太辟，譯名講求淺而準，忌辟字，另外矱鋸亦都太辟喇，所以一定要換。LC 粵維語錄、粵維辭典啟動！ 2016年9月10號 (六) 14:24 (UTC)

昏君講嘅Olav，我會偏向譯「奧拉符」。因為Olav個人名嘅祖宗係Olaf，出自北日耳曼、荷蘭同德國一帶，個詞有好幾個變形（例如冰島文嘅Ólafr、瑞典文嘅Olov、丹麥文嘅Ole、伊比利亞半島同拉丁美洲一帶嘅Olavo噉嘅變形，都係Olaf啲祖宗），雖然變形多到五花八門，但佢哋啲讀音都係圍繞ˈoʊləf、ˈoʊlɑːf、ˈoʊlæf呢啲範圍。而阿字係多音字，除咗昏君講嘅o1之外，重有個aa2同aa3、aak3呢三個讀音，我按照Okstartnow提供嘅粵音辭典（我早前就用呢個），查到有另外三個用法：讀aa2凈限感歎詞；aa3音凈限人名、姓氏或排行次第嘅前邊範圍；aak3凈限古發語辭。--PQ77wd (傾偈) 2016年9月10號 (六) 22:59 (UTC)

真係改嘅話建議用「鴉倫·獲鋸」。--Okstartnow (傾偈) 2016年9月10號 (六) 14:42 (UTC)

舉腳反對，Google吓獲鋸，0個結果有呢個字，原創譯名，GAME OVER，0分重作。LC 粵維語錄、粵維辭典啟動！ 2016年9月10號 (六) 15:09 (UTC)

Okstartnow，你都冇死雞撐飯蓋喇。而家咪話我，甚至連昏君、WikiCantona都反對Okstartnow嘅譯名。「獲鋸」呢兩個字我真係咪話電腦搵唔到相關結果，相反個名又難聽（以前試過單「嗌食屎」、「你媽大笑嘩」嘅笑話喇），個名我會綜合各位意見而譯「鴉倫獲加」。我唔單止建議呢篇搬，甚至建議艾佛遜都搬到阿倫艾佛遜嗰邊，因為同樣案例，從2013年開始，美國NBA界又多咗位嗌哥頓艾佛遜出嚟，而且越嚟越出名（好似深井噉案例）。--PQ77wd (傾偈) 2016年9月10號 (六) 22:59 (UTC)

已經改名。LC 粵維語錄、粵維辭典啟動！ 2016年9月19號 (一) 09:14 (UTC)