Animax（日文：アニマックス），全名株式会社アニマックスブロードキャスト・ジャパン（Animax Broadcast Japan Inc.），係Sony集團旗下專門播放動畫嘅電視頻道。日本Animax係由Sony Pictures Entertainment同東映動畫、日昇動畫、TMS Entertainment同埋NAS（Nihon Animation Development Systems）合資成立，1998年7月1號於Sky PerfecTV!第724頻道啟播。
海外Animax經營，就係由美國洛杉磯嘅Sony Pictures Entertainment屬下Sony Pictures Television International（SPTI）統籌，實際上同日本Animax並無直接關聯。
