Category talk:香港歌星

「香港歌星」會唔會比「香港歌手」差啲呢？歌手比較中性啲，歌星有一定嘅褒意，有歌手唔會叫自己歌星（好似唔夠專業），仲有啲唔夠「大」唱歌嘅，唔會叫自己歌星。「香港歌星」同「香港歌手」係兩個唔同嘅 category，如果係咁就仲死，「香港歌星」同「香港歌手」點分呢？建議用「香港歌手」代替「香港歌星」。--WikiCantona 2007年11月27號 (二) 00:12 (UTC)

歌星同歌手分別係邊？歌星有褒意歌手點解又無貶意？有無例子邊個唱歌出碟會抗拒叫自己歌星？如果有人話抗拒叫自己歌星(例如張學友)，咁歌星呢個稱呼係咪有貶意至真？叫歌星唔夠專業之說係邊度嚟？《翡翠歌星賀台慶》參演者係咪好唔專業？香港藝能界同傳媒向來上得台表演都叫做星，唔理你好紅定二打六，好紅叫大明星，二打六叫霉星，星呢個形容無任何褒貶意思- Hardys 2007年11月27號 (二) 02:05 (UTC)

我自己定義

我自己個定義係，一般有出過碟有唱片公司宣傳嘅就歌星，只係喺夜總會或者Pub表演唱歌，或者無唱片公司做嘅，可以叫歌手，台灣歌星亞杜喺未有唱片公司簽之前都叫歌手，當佢簽咗唱片公司之後，嗰陣報紙話佢係由歌手變歌星，所以個分別可以喺呢度，至於未出過碟嘅，可能就真係要特別出名，先收得入維基百科叫歌手 - Hardys 2007年11月27號 (二) 02:29 (UTC)

我冇興趣拗，亦唔係想搵嘢拗，如果語氣差，我先道個謙，我收番有『歌手唔會叫自己歌星（好似唔夠專業），仲有啲唔夠「大」唱歌嘅，唔會叫自己歌星。』我只想問「香港歌手」會唔會比「香港歌星」中性一啲？--WikiCantona 2007年11月27號 (二) 02:42 (UTC)

我無話你語氣差，你無需要道謙，維基百科係自由嘅百科全書，有懷疑提出係大條道理，唔需要道謙。歌手同歌星有一個好客觀嘅定義，出過碟，有唱片公司宣傳過，就歌星，無簽唱片公司，無出碟，就歌手，呢個定義應該係藝能界同傳媒共識，歌手同歌星分別在性質，唔存在邊個稱呼中立啲嘅問題 -Hardys 2007年11月27號 (二) 03:11 (UTC)