雲

  想搵第二個意思嘅話，請睇雲 (搞清楚)。

白雲，反射大部分光所致

積厚變暗，灰灰黑黑

日出雲染紅

雲，自然現象一種，行星大氣內聚積多多微微飄浮物，內裏液態固態都有。地球主要就水汽而成，然而其他行星會有甲烷、氨、硫酸等等。呢篇主要講地球。

地球來講，地面望上去，浮喺天上面一嚿嚿，大多白色，有時灰黑，亦有日出日落染紅黃。氣象來講，實情大氣睇得見啲水點同冰晶。說文話佢山川氣，從雨，古文寫云，雲卷卷咁。而千字文就有雲騰致雨講法。古時就知山川水汽升上天，積成雲就會落雨。貼近地表就叫霧同靄，本質上同雲一樣。

地面暖，水化成水汽，會變成水點，遇冷就成冰晶，細到十微米。水點冰晶，萬萬聲咁計，聚埋一齊到睇得到就叫雲。密雲反射到七成到九成半可見光。雲之所以白，就係佢反射光咁勁。不過，雲厚到唔夠日光透落地面，雲底光就好少，變灰甚至黑晒。反映其他光，若然光唔夠白色，雲就會有其他色，好似日出日落咁。之不過，光譜近紅外綫呢邊，就會畀水點吸收，變到好暗。

單憑水汽並未必夠變雲，水汽靠浮喺天上鹽同塵做雲凝核，因而聚集成雲。人工降雨亦即天上面散佈雲凝核，大多數落鹽。

雲喺氣候研究都好重要，雲多會令地球表面降溫，而雲少就相反。宇宙射綫會令到懸浮粒子帶電荷，成為雲核，吸引水汽成雲。宇宙射綫多，雲亦會愈多，多幾個百分比，就影響巨大。地球圍住銀河系中心轉，當中會經過旋臂，大量宇宙射綫會造成地球多雲，變成冰期。超新星爆發時，會發出強列紫外光，足以殺晒地球上生物，然而大量宇宙射綫造成多雲，擋咗紫外光，生命得以保存。

現今出自西方雲分類，一八〇二年就開始提出，現今分法就由呢個演變而來。

雲會向低氣壓聚，高氣壓散。

成因同外觀

地球水循環，有形結果有雲。日照落地表，水蒸發成水蒸氣，一旦水氣飽和，空氣中水分子，就會聚集微塵周圍，叫凝結核。呢啲水滴同冰晶，將日光散射到各個方向，得出雲個外觀。雲反射兼散射晒所有電磁波波段，雲就呈灰色，雲層薄啲就呈白色，變得到好厚，濃密到唔夠光過，望上去就灰灰黑黑。

分類

一八〇三年，路加賀維（Luke Howard）參攷生物分類，刊出雲三大類，用拉丁文叫。一、cirrus，意思卷，喺至上層，一絲絲咁款。二、cumulus，意思嚿，喺低空。三、stratus，意思鋪開，連綿不斷，通常低，灰灰咁會落雨落雪。並且同中間變化命名，好似cirrostratus同cirrocumulus咁。亦有再按高低而分。

呢三大類引申到十種雲形：

1. 捲雲（cirrus）
2. 捲層雲（cirrostratus）
3. 捲積雲（cirrocumulus）
4. 高積雲（altocumulus）
5. 高層雲（altostratus）
6. 雨層雲（nimbostratus）
7. 層雲（stratus）
8. 層積雲（stratocumulus）
9. 積雲（cumulus）
10. 積雨雲 （cumulonimbus）

睇埋

• 星雲

攷

• Chaboud, René (1999年5月10號)。《《氣象學》》。發現之旅。第49卷。雷淑芬/譯。臺北：時報文化。ISBN 957-13-2733-6。
• 王寶貫 (1996)。《《科學與人：天與地》》。牛頓雜誌「科學與人」專輯。第1卷。臺北：牛頓出版。ISBN 957-627-498-2。