Counter-Strike Online

出自維基百科,自由嘅百科全書

Counter-Strike Online(有譯:絕對武力Online,簡稱CSO或者CSOL)係以Counter-Strike: Condition Zero重整而成嘅FPS網上遊戲,主要嘅目的係為咗進一步拓展亞洲地區第一人稱射擊遊戲嘅市場,由原本Counter-Strike嘅研發商Valve韓國Nexon合作,2007年12月喺韓國首度發行。台灣香港地區就由遊戲橘子代理發行,中國大陸地區就由世紀天成代理發行。日本地區就由日本Nexon發行,新加坡地區由IAHGames代理發行。印尼地區由Megaxus代理發行。

呢款遊戲可能因為佢本質同Valve嘅原生遊戲唔同,CSO並唔喺Steam平台,而係一款獨立嘅網上遊戲。兩者唔同於喺唔喺Steam平台之外,原生遊戲係用軟件賣斷嘅形式,而玩家可以自己開伺服器同其他人玩;但係Counter-Strike Online雖然主程式免費,但係遊戲中嘅武器道具就要畀錢買。重有遊戲入面嘅嘢唔似原本遊戲可以隨便改,所有嘢都封晒喺5個NAR檔案入面。

簡介[編輯]

自從佢出咗殭屍模式之後,就多咗人玩,因此官方為咗解決呢個問題而增加咗頻道。之後就好少再出現頻道爆滿或登入唔到嘅情況。至於香港版嘅外掛問題都好嚴重,尤其係一般同喪屍3等等嘅模式。外掛種類有好多,例如加速、透視、自瞄、BUG槍、殭屍可以用槍、復活地點改變等等。之前喺殭屍模式都有,但而家就冇咩人喺殭屍模式用。

武器[編輯]

CSO保留咗大部份喺CS 1.6入面嘅武器,同時亦增加咗唔少新武器。目前已經增加咗嘅著名武器包括:MG3Winchester M1887MP7A1SVDM16A4KSVM60E4M14EBRWA2000AS50Minigun M134同埋Barrett M95等等。響有特別節日嗰陣重會有節日武器例如Dual InfinityGolden Desert Eagle同埋Lighting SR1等等。但係由於CSO係隻網上遊戲,所以大部份嘅武器都要用真錢買。

抽獎[編輯]

CSO增加CBOX。

玩家可以抽到上面新嘅武器同人物。

可以抽番之前出咗嘅槍同節日槍。

出面網頁[編輯]