DRY 原則

DRY 原則（英文全名：Don't Repeat Yourself，「唔好重複你自己做過嘅嘢」）係程式編寫上，指喺寫一隻電腦軟件嗰陣要盡可能避免重複一段碼。

「唔好重複」有幾個理由，例如冇人會知重覆寫嘅原因係真係要做同一樣嘅嘢，定係咁啱撞彩一樣，令到要改嘅時候無所適從；又例如改碼嘅時候好容易睇漏眼，改漏一兩段，結果造成程式錯誤，然後無端端要嘥好多時間搵邊度錯咗。

一般認為，如果一個程式想將某樣嘢重複噉做幾次嘅話，用程式迴圈或者子程序等嘅技術會比較理想^[1]。