Jon Corzine
Jon Corzine（1947年1月1號—）係明富環球（MF Global）嘅主席。之前做過新澤西州州長（第54任，2006年至2010年），再之前係投資銀行高盛嘅行政總裁。
明富環球係美國嘅期貨交易商。2010年3月，Corzine開始做明富環球嘅主席同埋行政總裁。佢銳意將明富環球打造成另外一間高盛，所以積極做一尐高風險交易，例如大舉買歐豬五國嘅債券，市場上都有人將呢間公司叫做「小高盛」。另外，明富環球嘅分析員大降滙豐嘅目標價，亦係明富環球成功出位畀投資者認識嘅原因之一。
隨住2011年歐債危機湧現，明富環球喺2011年10月申請破產保護，係美國史上以資產計第七大破產案，200幾年歷史嘅企業就噉玩完。
 |