MEMZ

出自維基百科,自由嘅百科全書
Jump to navigation Jump to search
MEMZ發作之後,唔理係熱啟動定冷啟動部電腦,啟動系統識第一時間會出現呢個無限循環嘅死機畫面。

MEMZ(病毒代碼:Win32.Trojan.MEMZ.*),又嗌彩虹貓病毒彩虹貓,係隻針對舊版Windows嘅電腦病毒,亦係種黑客攻擊病毒,識得通過非法下載途徑嚟主動散播。呢隻軟件喺2016年7月9號開始發起大規模攻擊,有歐美地區國家啲電腦受影響[1]

個病毒要通過網上下載嚟傳染。佢雖然下載咗之後唔識發作,但若果雙擊打開佢屬下嘅EXE或BAT文件就肯定出事(即使將exe後綴改成bat或com呢啲名都冇用)。病毒發作嗰時,最先好似電腦平時打開記事本啲txt文件噉,不過入面寫住嘅係以下呢啲話[2]

  • 你臺電腦已經俾MEMZ整冧,(英文Your computer has been fucked by the MEMZ Trojan.
  • 唔好諗住啟動多次喇。(英文Your computer won't boot up again.
  • 用得幾耐就幾耐喇!(英文So use it as long as you can!
  • 熄咗佢?咪使旨意!(英文Destroyed instantly, so don't try it. :D

再跟住程序識自動猛咁打開各種Windows程序同網頁,之後畫面出現不明程度類似3D龍事件噉猛咁變色、鼠標指針變成其它圖標、同埋大量出錯誤窗框、及內存佔用率去到超過100%等等異常現象……隨後輪到木馬設計條友猛咁鬧成個操作系統,最後直到藍屏兼Windows程序全面崩潰為止[2]

用戶一旦中咗噉嘅病毒,即使重啟電腦或通過任務管理器強制閂程序等途徑都冇用,因為病毒一打開之後,指定嘅病毒程序識修改硬盤MBR分區引導兼自動納入開機嘅計劃任務入面,令開機自動加載[3]。一開機之後,成個屏幕變成彩虹貓嘅動畫畫面,上邊帶有「你臺電腦俾MEMZ整爛咗喇,享受下《彩虹貓》係點㗎啦!」(英文Your computer has been trashed by the MEMZ Trojan. Now enjoy the Nyan Cat...)嘅白底黑字諷刺性語句。背景音樂重猛咁無限循環播出《彩虹貓》嘅單曲。期間做任何操作都唔可以正常入系統。

隨住事件發酵,後嚟個病毒作者已經俾好多歐美啲網民查到,發現呢個病毒原嚟係德國網友Leurak嘅一手所為[1][4][5]。Leurak喺事後公開回應,話佢之所以出噉嘅病毒,係專門鬧到微軟公司嗌用戶升級到Windows 10之後嘅泶㺒嘢[5]

[編輯]