Marshall Bus
Marshall Bus係英國一間巴士製造廠。
Marshall Group喺1946年成立Marshall Motor Bodies Division（今日嘅Marshall Specialist Vehicles，簡稱Marshall SV），為商用車（包括巴士）出車身。
Marshall巴士車身喺1980年代停產。不過去到1992年，當時嘅Marshall Special Purpose Vehicles（Marshall SPV，即係Marshall Motor Bodies Division喺當時嘅名）買咗執笠嘅Carlyle Works Limited嘅巴士車身設計而出返巴士。後來Marshall SPV改叫Marshall SV，Marshall巴士車身生產被注入佢旗下嘅Marshall Bus。
1995年，Marshall Bus推出自己嘅中型巴士Marshall Minibus，不過呢隻車型並唔成功。
Marshall Bus喺2001年賣咗畀斯洛伐克投資公司Horizont，並改叫MB (UK)。但MB (UK)喺2002年中俾人接管，最終喺同年8月執笠。其後埃及嘅Manufacturing Commercial Vehicles（MCV）將Marshall Bus嘅資產（包括巴士車身設計）買入。
出面網頁[編輯]
