Portal:中華民國/精選圖
李宗仁（1891年8月13號—1969年1月30號），字德鄰，係國民革命軍陸軍一級上將，中國國民黨新桂系嘅一哥，做過中華民國第一位副總統、代總統。係廣西省桂林西鄉村度出世，1910年參加咗同盟會。之後以軍人身分加入咗廣州嘅護法陣營，同白崇禧、黃紹竑一齊合作而統一咗廣西，仲拥戴嗰時嘅廣州國民政府。到咗北伐時，係帶咗廣西嘅軍隊一路由湖南打上去山海關。北伐後嘅十年時間入邊，幾次發動同參與過中原大戰等戰役，仲繼續落足心力去經營廣西。喺抗戰時動員咗廣西將士抗日，指揮過多次大戰，喺台兒莊大捷度名震一時。到咗二戰後1948年行憲嘅時候，當選成為咗副總統。到蔣中正下野後，李一度接手做咗代總統，諗著和談去挽救返民國政府但係未有成功。之後走咗去美國，後尾又同咗夫人郭德潔經瑞士返去中國大陸，直到文革喺北京病逝。相度係蔣中正同李宗仁參加首任總統、副總統就職大典嘅留影。可以見到李宗仁喺典禮度係掛嗮勛章、著軍服出席嘅，而蔣中正就著長袍馬褂嘅禮服出席，特顯咗蔣李二人嗰時就經已唔合拍。