新填地

中環填海

新填地係指揼沙石等入水，填成地。填嘅水可以指海、湖、或者江。世界近海各埠各城，多數有填海。古時亦有圍堤造田，尤其喺淺灘，久而久之變成大片新填地。亦有抽乾澤地，雖然無新地，但將爛地變成人用得嘅地，都算係新填地嘅一種。

現今造地係土木工程一範，填地方法首先圍起要填嘅水域，跟住用大石或水泥，加較碎沙石填塞。填地目的多數為咗經濟，擴展海邊地。亦有為清垃圾而填地，尤其係裝修、舊樓重建、工業廢料。工程亦要注意防漏，以免沙泥等污染水域。

新填地大多唔係即刻起得高樓大廈，因為土質有水份會有沉降，所以頭嗰十年八年新填地只可以做公園、海濱廣場等。

新填地怕地震，地震時，填地有可能流質，上面屋宇有危險。新填地起屋，一定要反覆壓實，防止泥土化成流質。