鯊魚

How to read a taxobox 鯊魚 化石年代：泥盆紀早期至而今
白鰭鯊，Carcharhinus longimanus
物種分類
界 動物界 門 脊索動物門 綱 軟骨魚綱 亞綱 板鰓亞綱 Superorder: 鯊總目
Orders
Carcharhiniformes Heterodontiformes Hexanchiformes Lamniformes Orectolobiformes Pristiophoriformes Squaliformes Squatiniformes Symmoriida（絕種）

鯊魚，或者寫鯊，係魚超綱之下，軟骨魚綱之中嘅動物。同近親魔鬼魚一樣，鯊魚只有軟骨，冇真正嘅骨。鯊魚有5至6條鰓裂，而條尾就有鰭、冇毒。全球有超過365個鯊魚品種，當中只有36種有真正襲擊過人。

鯊魚嘅繁殖方法因品種而異，卵生、胎生全部有齊。所以除非知道品種，否則唔可以答繁殖方式。

分類

8個鯊魚嘅目

鯊魚有超過400個品種，分別隸屬8個目：扁鯊（Squatiniformes）、鋸鯊（Pristiophoriformes）、角鯊（Squaliformes）、錐齒鯊（Carcharhiniformes）、六鰓鯊（Hexanchiformes）、鼠鯊（Lamniformes）、鬚鯊（Orectolobiformes）同虎鯊（Heterodontiformes）。當中鯨鯊最大條。

解剖學

鯊魚身體主要部分

牙

鯊魚牙會不斷出，不斷換。生喺口入邊嘅牙不斷向外推，出邊嘅牙就會甩，好似輸送帶噉。牙嘅形狀唔係個個品種都一樣，而係同佢哋嘅食物有關，所以喺全球都可以搵到鯊魚牙。

食物同生態地位

鯊魚係食物鏈中嘅頂級捕獵者。食物按鯊魚品種而定，由微生物以至海獅、海豹等大型海洋哺乳動物都有。因為佢哋會處理動物屍體，同埋控制某啲捕獵者嘅數量，所以有助維持生態平衡。

保育現狀

由於中國人好鍾意用鯊魚嚟做食物，尤其係魚翅，令鯊魚數量越來越少，所以有需要受保護。

喺香港水域，至今紀錄有 8 種鯊魚出沒，亦有 5 個泳客被鯊魚咬死。全部都發生喺西貢水域，其中1995年6月，重係喺兩星期內有 3 位泳客遇害。但係鯊魚並唔只喺西貢出沒，喺港島中灣、赤柱同南灣等地方亦有鯊魚蹤影。2006年8月31號，康文署喺石澳泳灘嘅防鯊網外發現 2 條灰礁鯊嘅屍體。

而家，香港海洋公園設有「鯊魚館」，喺1989年落成。但為咗改養中華鱘，而喺2008年改建，部份鯊魚會改放海洋館度養，或送去外地，令部分保育人士唔滿意。由海洋館改建而成嘅鯊魚館喺2014年重開。

鯊魚同文化

中國古代叫鯊魚做「鮫」，認為佢係僅次於龍嘅大型水生生物。《說文》中作「魦」，話係「魚名。出樂浪潘國。從魚，沙省聲。」而魚翅亦係唐人相當鍾意食嘅名貴食品。

鯊魚受傷唔會受細菌感染，引起好多生物學家嘅興趣，研究提取鯊魚體內抗菌嘅物質來整新藥。

史提芬史匹堡響1975年所拍嘅《大白鯊》，唔單止成為賣座電影，重令人對鯊魚有錯覺，以為鯊魚只係一條鍾意食人嘅怪物，但實質鯊魚根本就唔鍾意食人。