TSR 程式係一種 MS-DOS 特有嘅外掛程式，爾類程式會喺設定某一啲後門之後，用 Terminate and Stay Resident系統呼叫[暫譯]（system call）名義上結束程式，但係其實留喺記憶體繼續行，等用家用預先設立嘅後門（例如撳鍵盤嘅某啲掣）就可以叫返個程式出來用。西方嘅 TSR 程式好多都係公用程式。
有啲 TSR 程式會鉤入作業系統嘅一啲介面，改變系統嘅功能。喺中文圈，其中一種常用嘅 TSR 程式就係中文系統，爾類 TSR 程式會鉤住嗮系統嘅熒幕同列印嘅輸入同輸出功能，夾硬令個系統可以顯示、列印同輸入中文。
