Talk:吊帶褲

吊帶褲嘅資訊曾經響2018年3月7號喺維基百科頭版嘅你知唔知？小節度出現過。

維基百科

名稱探討

見到『飯單褲』個標題，係第一次聽，覺得出奇，就撳入來睇。如果畀張噉嘅圖我，問我叫乜，我會話係『吊帶褲』，準確d會嗌『吊帶牛仔褲』。

查過高登同連登d帖，完全冇人嗌飯單褲，有人嗌工人褲，有人嗌吊帶牛仔褲。

我就上網去查啦，乜嘢係飯單呢？d結果多數都話飯單有三個意思：圍裙、圍嘴兒（蘇蝦仔嘅口水堅）、维吾尔族人吃饭时铺在地毯上的单子，譬如[1]。噉粵語，圍裙就叫圍裙，口水堅就係口水堅，維吾爾族人唔關我地事。而飯單褲個飯單，係用咗圍裙嘅意思。

另外，工裝褲未必係呢種。淨係到條腰，好似運動褲噉嘅，牛仔褲或者扯布嘅褲，都有叫做工裝褲。--Roy17 (傾偈) 2018年3月5號 (一) 15:50 (UTC)

個名口頭冇統一規範，不過我聽過有人嗌呢種褲做「工人褲」或「吊帶褲」、「背帶褲」比較多，我先搬返過去。--PQ77wd (傾偈) 2018年3月6號 (二) 00:39 (UTC)

我建議改做吊帶褲可能比較好。睇返英文呢，overalls實際上就係呢啲上到心口嘅吊帶褲。但係我地仲知有另一種嘎嘛，淨係普通西褲/牛仔褲加兩條帶，我啱啱查過呢，原來佢地係冇專有名詞，而係美加叫pants with suspenders，英澳叫trousers with braces，個suspenders或者braces就淨係指嗰兩條帶。所以我估，標題起吊帶褲，內容可以包括晒呢兩種。

另外，叫吊帶褲呢，或者感覺上可以包含更多內容。依家有好多唔係牛仔布做嘅，而係d靚d嘅棉布絨布之類，呢d褲我估有時候d人未必會諗到叫工人褲/工裝褲。--Roy17 (傾偈) 2018年3月6號 (二) 03:44 (UTC)

好，一陣我直接改返標題再加返普通西褲/牛仔褲加兩條帶嗰種。--PQ77wd (傾偈) 2018年3月6號 (二) 04:12 (UTC)

吊帶褲個正反面樣

家下喺街頭見到啲吊帶褲樣，正反面個樣我都見過。不過據我見到兼收集到個樣係噉嘅組合比較多：

正面
一嚿梯形布+兩條吊帶	有啲大嚿布樣高去到個胸上邊 有啲凈去到肚腩位一半 有啲去到胸到肚腩之間嘅位
一嚿方形布+兩條吊帶
一嚿腰帶弧形嘅梯形布+兩條吊帶
一嚿U形布+兩條吊帶
單純兩條平行嘅吊帶
V字形吊帶（好少見）

反面
一嚿近似梯形或三角形布+V字形吊帶
一嚿方形布+兩條吊帶
單純兩條吊帶（相平行或唔平行）
X、Y、V、H四個字母樣嘅吊帶是旦一個

不過佢啲品種，希望拜託下啲維基友去街邊影下相或喺部份冇版權或唔帶版權嘅海報或雜誌有關啲相掃入嚟。因為我唔係成日都得閒。--PQ77wd (傾偈) 2018年3月6號 (二) 06:07 (UTC)