Talk:喪事

喪事同喪禮唔同，應該分返開成為獨立嘅條目，因為「喪事」就係講哂成件事，係由有人去逝開始，包括成個過程，除咗儀式之外仲有例如報紙登訃聞、點樣去辦告別儀式、入葬之後嘅嘢好似家屬會帶孝、解穢酒、點燈、頭七尾七咁…仲包括埋遺體運送（有啲要經長途交通工具運輸到祖家落葬）、幫亡者化粧等嗰啲大小手續；但「喪禮」就應該剩係指告別儀式，剩係講香港嘅喪禮都已經有多種唔同嘅形式，主要係宗教分別，咩葬法又有唔同嘅禮儀同埋辦理地點，而且佢可以有好多內容，包括殯儀館、花牌、輓聯、堂官、親友到臨弔唁、瞻仰遺容、告別禮、打齋唸經、守夜、燒衣、撒一把泥…等等，絕對係一個獨立嘅大項目。希望有哩方面資料嘅維基人可以提供擴充。