Talk:星際酒店
分析嚟自權威來源嘅唔可靠消息[編輯]
篇政府文章（https://www.gov.mo/zh-hant/news/62917/）邏輯錯到離嗮譜，令人唸返起「一籃子因素」呢個名詞。要原創研究當然唔夠班，不過當見到理應嚴謹嘅官方文章自相矛盾，就冇理由唔警告下下個編輯者嘅，又當然要提醒下細心讀者啦……
甲、新聞報道，田雪芹好肯定個畫面準確顯示咗40,000,000咖喎！份公報竟然一次都無提過或話有糾正，而係就噉寫——「港幣42,946,400.96圓的彩金（即積分8,589,280 分）」。
乙、「a) 上述博彩機的操作紀錄（ticket cashout history）中， 2007年8月30日並無錄得任何操作，且亦無任何其他紀錄或證據證明當日有人在有關博彩機中進行過上述投注」——令人懷疑成隊專家都係弱智嘅！冇講閉路電視成堆一齊壞嗮，就即係廿四個鐘頭嘅錄影都有齊啦！嗰道都唔係廁所。一係睇到佢有入錢，一係睇到佢冇入錢，除非唔睇。重有，田雪芹到場之前嗰十九個幾鐘有冇人玩過嗰部機，有乜理由唔寫，又有可能查唔到咩？唔通賭場連啲五蚊銀都唔捨得退？
丙、「b) 博彩機屏幕顯示的積分是基於該台機軟件反常，兩度扣除前一局所錄得的積分，致使積分計算器錄得一組負數」——田雪芹明明話一開始見到嘅係錢銀數，而唔係積分，係職員夾硬郁過部機，先至變成顯示積分。連呢下嘢都可以入個客數？顯示中獎嗰一刻，田雪芹喺邊？若果佢冇投注，部機做乜會無端端運算呢？或者好地地嘅銀行櫃員機，都會無啦啦死機狂噴錢，可惜歷史上無呢種紀錄。起碼可以寫下，嗰刻佢係唔係坐喺部機前面啩！
丁、「而該組負數經博彩機屏幕顯示時，變為一組超出積分限額的錯誤數字，同時屏幕顯示了“機器故障”的訊息（Machine Disabled – Call Attendant）。」——個錯誤訊息係同積分一齊出現嘅，噉職員夾硬開部機之前，顯示緊40,000,000蚊時，又有冇呢段字呢？塞滿錢嘅機器，總會有啲編碼，令佢俾人打開之後即刻顯示個特別訊息啩！
戊、「c) 以賠率的計算而言，該台博彩機在正常運作的情況下絕不可能因單一項投注而錄得積分8,589,280分的數值」——鬼拍後尾䪴；若果真係出錯，都起碼要靠一次投注嚟引發！出手嗰個係焉位呢？天使？魔鬼？
戊、「d) 田女士在屏幕上方看到的積分數字不可能是由於投注或由於博彩機的其他正常功能所產生的有效結果」——「確認」機器出錯，再搞咗咁大壇嘢，就連精神道歉同責令檢討嘅廢話都慳返，一啲家教都冇！起初明明話用七日做到，卒之拖夠兩個禮拜，又係咩回事？若果認為係田雪芹借機敲詐，特登向傳媒放流料，就捉佢去審嘛！
--110.174.132.162（討論） 2021年7月14號 (三) 01:54 (UTC)
文章連結留底時出錯 (2021年8月)[編輯]
你好。留底期間，檔案庫話有啲網站搞唔到。 以下係有問題嘅對外連結同埋錯誤訊息。
- 錯誤：；有問題： http://the-sun.on.cc/channels/news/20070901/20070901025259_0000.html
- 錯誤：；有問題： http://the-sun.on.cc/channels/news/20070901/20070901025430_0000.html
呢個係唯一一次通知，因為我唔會再嘗試幫呢啲對外連結留底。