Talk:最終幻想VII

「太空戰士」九唔搭八？

Dr. Greywolf認為「太空戰士」個名九唔搭八，但佢可能唔知「太空戰士」係舊時香港對「Final Fantasy」嘅傳統譯名，而且一路都有人用緊。隨便上網搵，已經搵到上個月香港一篇新聞用「太空戰士」：《太空戰士7重製版》3日勁賣350萬套股價急跌 花旗：令人失望。不過粵維最大問題係「太空戰士」同「最終幻想」兩個名都有文用，搞到好混亂。可能要大家傾下需唔需要統一叫法；定係繼續各自為政，只用「先到先得」原則決定叫乜名（如果係，呢篇都要還原返做「太空戰士」）。--Kowlooner (傾偈) 2020年5月31號 (日) 15:47 (UTC)

• 好，投票就投票啦。In my opinion，太空戰士九唔搭八，「final fantasy」個名係「最後嘅」「奇幻」噉解，而且頭嗰幾集嘅故仔內容同太空冇乜關係（雖然最出名嘅第 7 集係同太空有些少關係），所以我認為「最終幻想」遠比「太空戰士」合乎原意，我見呢兩名喺粵語地區都有人用，我亦都唔覺「太空戰士」零舍 dominant，所以如果問我，我會 suggest 用「最終幻想」做 standard 名，「太空戰士」做跳轉。Dr. Greywolf (傾偈) 2020年6月1號 (一) 00:49 (UTC)
• 順帶一提，中維嘅香港繁體版都係用「最終幻想」做 title 嘅。Dr. Greywolf (傾偈) 2020年6月1號 (一) 00:51 (UTC)