Talk:漢 (搞清楚)

有冇必要搬？

見到@HenryLi：扶《漢朝》做正爲《漢》，但我感覺呢，「漢」嘅意思比較多，好似唔係咁適宜直接話佢就係個朝代名噉樣。個人感覺嗟，想聽下其他意見。--S7w4j9 (傾偈) 2018年3月29號 (四) 11:57 (UTC)

意思係多，編輯維基，其他用法少單字用。編寫時，漢，絕多數指漢代。HenryLi (傾偈) 2018年3月29號 (四) 14:38 (UTC)

@HenryLi：我唔噉諗囉，至少作爲國號嘅漢，搞清楚版都列咗咁多個出來，漢朝即使係大朝代，喺單用字嘅時候，亦有可能係指向其他嘅小朝廷？何況，佢個意思真係太多嘞。--S7w4j9 (傾偈) 2018年3月30號 (五) 17:00 (UTC)

而且考慮下啦，呢啲小朝廷咁多，炒埋炒埋一碟噉，個分量會唔會夠得上漢朝呢？何況咁多個朝廷當中，南漢係嶺南政權，佢之於粵史，同兩漢一樣緊要。大一統朝代係緊要，地方史嘅朝代亦都咁緊要。呢個緊要度閣下唔考慮下睇睇？--S7w4j9 (傾偈) 2018年3月30號 (五) 17:08 (UTC)

史上，小朝廷時間短，史料好少。「秦時明月漢時關」，啲人唔會認為漢係南漢。若講粵史，劉徹派軍滅南越國，漢統治約三百幾十年，南漢，初時號大越，後改大漢，統治約五十年。就算係粵史，單用「漢」一字，多數都會指漢三百幾十年，唔係南漢五十幾年，撞嘅機會好少。如屈大均《廣東新語》「伏波故有神靈，為徼外蠻酋所畏，自漢至今，恪遵約束」成本書單字漢，唔會指南漢。而且粵史睇，斷代史，咁南漢一樣可以叫漢朝。HenryLi (傾偈) 2018年3月31號 (六) 01:00 (UTC)

@HenryLi：我喺度諗，呢度會否有個意識形態問題？中文維基搞大中華，只承認大一統王朝，分裂時期嘅都係割據政權，呢種中原天下史觀我冇異議，佢係中文嘛。但來到粵語維基，係咪仲係要搞呢種視覺？我更傾向喺粵語維基發揚廣東本位史觀，講親漢言必稱漢朝，但作爲廣東第二次建國嘅南漢，對我哋同樣意義重大。廣東亦就獨立過嗰兩三次。所以我會珍視起佢，我更希望喺粵語維基將漢朝同南漢並舉，唔偏向邊個，因爲佢哋都係粵史。--S7w4j9 (傾偈) 2018年3月31號 (六) 11:53 (UTC)

依度客觀講字，史上獨用「漢」字，絕多都指劉邦嘅漢。至於嶺南有無獨立，都唔會因為個今日百科「漢」而改變。改漢，同你諗嘅相反。係要捨棄民國以來史觀，大統一「斷代史」朝代觀，進而還原返二十四史咁，做返「國史」，史上每國，都睇成國，唔係睇成朝。咁先會客觀對待各國。文章講劉邦開漢國，係個國。如此，先會同劉龔開大漢國睇齊。若果你要搞到並舉，拎「漢朝」來做名，反而搞錯，附和大統一史觀。要舉，直情寫到南漢都係漢朝，漢朝都要搞清楚，係咪有必要呢？重有，劉龔點解要改國號，由大越改成大漢，都因為佢姓劉。劉龔大漢國，嗰名衍生自劉邦嘅漢。唔少國號「漢」都姓劉。外來與否，都係粵史一部曲。HenryLi (傾偈) 2018年3月31號 (六) 13:05 (UTC)

@HenryLi：OK嘅，我有少少get到你想講咩。換言之你要行返廿四史嘅傳統，得嘅，我理解到，但大一統史觀呢下我冇諗到，我嘅睇法覺得漢朝係斷代史嘅提法囉。好啦，我唔阻你，國同朝，真係難分難解（笑）。--S7w4j9 (傾偈) 2018年4月1號 (日) 11:19 (UTC)