Talk:白雲區

建議用《白雲區》做正題

白雲區有兩個，廣州一個，貴陽又一個。我睇咗下修改記錄，又係WKDx417呢條友亂搞文章標題，真係唔等人批就唔心熄。試問粵語維基畀廣東人用嘅，廣州又係粵語中心之一，粵語讀者講起白雲區，十之八九都係講緊自己友啦，貴陽嗰個詞義頻率邊度及得上廣州啊？又係典型唔經大腦、濫用平等嘅WKDx417做法。--S7w4j9 (傾偈) 2015年10月19號 (一) 16:48 (UTC)

讚成搬爾版，但係保留爾個跳轉，事關好多個拎都指嚟爾庶。 --广州阿沾 (傾偈) 2015年10月20號 (二) 00:27 (UTC)

冇問題，粵維呢度好多時搬咗版都唔刪跳轉。--S7w4j9 (傾偈) 2015年10月20號 (二) 12:00 (UTC)

既然噉講，不如搞清楚版唔使搬，直接刪版算數。加上網上有論壇講，貴陽嘅白雲區準備要改名做金陽區。--WKDx417 (傾偈) 2015年10月21號 (三) 08:39 (UTC)

一，未有正式嘅政府批文，都未算正式改名，維基百科唔係搞未卜先知嘅地方，只會根據實際情況來改動；二，搞清楚版應該繼續有，即使貴陽白雲區真係改名，個搞清楚版可以表示作爲舊名嘅白雲區，何況，內蒙古亦有個白雲區，全名叫白雲鄂博礦區，白雲區係簡稱。--S7w4j9 (傾偈) 2015年10月21號 (三) 10:40 (UTC)

白雲區嗰篇嘢有人提咗刪版，搬版之前要去刪文討論講清楚，唔係嘅話，一係搞清楚版要重新開版寫過，一係個搞清楚版標題可以直接放去白雲嗰版入面，因為白雲區可以簡稱做白雲，因為廣州街坊有時將白雲區簡稱做白雲。--WKDx417 (傾偈) 2015年10月22號 (四) 03:20 (UTC)

又係WKDx417呢條友亂搞文章標題，真係唔等人批就唔心熄。

呢篇嘢早期雖然我搞過，但係重有人搬過呢版，嗰時我未嚟維基。鑒於類似案例，睇下TALK:CCTV。--WKDx417 (傾偈) 2015年10月22號 (四) 06:18 (UTC)

《白雲區》冇提到刪版，亦確實根本唔符合即刻刪嘅標準。白雲區嘅搞清楚版唔應該刪走，只適宜搬版，一堆維基百科都有對應版本，粵維有乜理由要刪呢？粵維嘅增長夠曬艱難，何苦搞啲噉嘅嘢？若果粵維要刪，噉勞煩WKDx417去其餘八個維基提刪，睇下有冇阻力先返來講嘢，反正WKDx417又唔係未做過呢種跨維基嘅搞作。另外咪攞威廉頂數，威廉最後重係恢復原樣，正如佢嘅恢復理由：「粵語區內無歧義」，做咩事都係停下、諗下，諗過噉做究竟啱定唔啱，經大腦先㗎。--S7w4j9 (傾偈) 2015年10月22號 (四) 09:03 (UTC)

真係有噉嘅事。睇嗰邊。--WKDx417 (傾偈) 2015年10月22號 (四) 09:12 (UTC)

唔係即刻刪除所以唔應該掛{{d}}，目前睇落亦無必要掛{{afd}}，掛{{merge}}夠嗮，不過我個人亦唔同意合併或者刪版。六年前嗰次搬版我唔想多講，總之後來我已經搬返轉頭，而今我亦支持用「白雲區」做文題。--William915（傾偈） 2015年10月22號 (四) 09:21 (UTC)

依然嗰句，有請WKDx417去其他維基搞作吓，說服包括英、德、法、日、中呢個五個超級大維基，睇吓人哋社群願唔願意。反正粵維目前討論支持保留有3，支持刪版只有1，睇怕版嘢重係留。--S7w4j9 (傾偈) 2015年10月22號 (四) 10:16 (UTC)

根本唔使理咁多。未識廣東話嘅人，我無諗住寫畀佢哋睇，要考慮埋佢識啲乜，而且地域差異好大。天下之大，無人樣樣都識。同埋你有寫，就一定會有。我有時開跳轉就係方便人搵。--WKDx417 (傾偈) 2015年10月23號 (五) 03:45 (UTC)

話就唔係噉講喇，人哋都有嘅版，粵維執輸過人喎，點都唔肯喇。粵維要刪版，噉大家一齊刪，憑乜嘢粵維少噉忽，佢哋就可以保留呢範內容啊？WKDx417想刪版合併，你搞掂佢哋先。--S7w4j9 (傾偈) 2015年10月24號 (六) 13:03 (UTC)

呢版我睇下過多幾日有冇人提出合併或搬嘅意見。因為呢單嘢嘅提出請求同TALK:陳楠 (道士)、TALK:泳裝差唔多。--WKDx417 (傾偈) 2015年10月23號 (五) 05:30 (UTC)