Talk:陳楠 (道士)

建議搬去陳楠 (道士)

根據維基嘅知名度指引，試問下：究竟係唔係凈得古代做咗道士嘅陳楠係特別出名？而家近幾年做咗籃球隊嘅陳楠同演員嘅陳楠都出名喇，人哋都係國家級嘅人物（一個做咗國家隊主力，一個做咗大陸嘅戲劇演員），嗰兩位都好出名。按照知名度指引，既然有得嗰兩位，嚴格啲嚟講，冇邊位陳楠係特別出名。建議搬去陳楠 (道士)。另外，如估兩個禮拜內冇辦法改成現代粵語嘅話，麻煩第個人一個唔該，將呢篇嘢搬去文言文維基嘅相關正文嗰度。--CRCHF (傾偈) 2015年6月3號 (三) 22:51 (UTC)

今次我贊成。【粵語文學大使殘陽孤侠】支持全面中止IP用戶編輯權 2015年6月4號 (四) 00:07 (UTC)

我都贊成改名（唔好意思下面太長所以寫落爾道）。至於改唔改寫可以再傾。--William915（傾偈） 2015年6月7號 (日) 21:19 (UTC)

肯定要改寫，甚至要重新寫過。因為HenryLi寫得太似文言文，完全離嗮譜，對呢啲現象唔應該軟弱，就好似我或殘陽孤侠對付À la 雞噉。何況，我對À la 雞嘅睇法係，當初S7w4j9可能唔知，但係我跟蹤咗À la 雞成1個月，呢摒人就係唔識粵語讀音同外文嘅正宗發音就亂咁畀譯名（以前殘陽孤侠講嘅「病毒譯音」），而且係連續n次嘅事（睇下我或殘陽孤侠或你嘅傾偈記錄就知，有好多次都係問讀音同譯名問題，而且係唔事先查過就問嘅。）。加上佢曾經喺法文維基百科同辭典都有案底；而HenryLi噉有大量貢獻嘅用戶屢屢犯錯，真係賴低嘅蘇州屎都有，到時嘅代價就係我哋成個社群要幫佢補鑊。（PS: HenryLi噉嘅行為，上次我喺TALK:洲頭咀已經搞咗鑊喇）--CRCHF (傾偈) 2015年6月9號 (二) 22:15 (UTC)

你話HenryLi寫得太似文言文（睇過你嘅用戶頁都知你想點），但我覺得你寫嗰啲文都唔算係好得幾多。其實William915喺User talk:CRCHF#簡明扼要提過下之後，你開嗰啲文睇落係好咗少少，但都重有改善空間。例如校園游水裝，6/10睇過都唔係睇得好舒服，都係有啲多餘嘢可以刪嘅。我勸你寫文寫得好好睇睇（等到我同William915唔使點跟你開嗰啲文）之前唔好搞咁多嘢。

另外，你將洲頭嘴搬去洲頭咀之後，有冇睇過我喺Talk:洲頭咀寫咗啲乜嘢？無共識係唔會因為太耐冇人傾而自動變成有共識，HenryLi搬佢返去洲頭嘴都冇得賴喎。同埋同第二啲維基友有乜嘢唔啱牙都唔好喺編輯摘要開到聲話「向XXX反擊」，噉盞有傷和氣。

至於呢篇文係搬定係唔搬，我冇意見。SC96 (傾偈) 2015年6月10號 (三) 14:54 (UTC)

另外，你將洲頭嘴搬去洲頭咀之後，有冇睇過我喺Talk:洲頭咀寫咗啲乜嘢？無共識係唔會因為太耐冇人傾而自動變成有共識，HenryLi搬佢返去洲頭嘴都冇得賴喎。SC96 (傾偈) 2015年6月10號 (三) 14:54 (UTC)

呢篇嘢後嚟喺4月底有人丼咗支持搬，呢篇就唔理佢喇。--CRCHF (傾偈) 2015年6月10號 (三) 23:51 (UTC)

反對。請問有邊句唔係廣東話？同演員同球員，好快過氣。點及得道教開山祖有人長年供奉。HenryLi (傾偈) 2015年6月4號 (四) 05:14 (UTC)

你成篇嘢寫到好似文言文噉，人哋唔嘈你眞係假喇，建議你學下現代粵語先至再寫嘢，而家係公元2015年，唔係古代嗰時惜字如金嘅年代。HenryLi，既然你話道教開山祖有人長年供奉，呢個凈係得道教啲人知，注意：全球唔係個個人都信道教。如估放喺而家全社會啲人，都係好快過氣，而家喺一百個當中，95個都會話唔係影星嗰個就係打籃球嗰個，呢啲人都好出名。另外，既然全球有好多陳楠嘅人，唔通凈係得道教開山嗰個喺國際有影響力（睇埋英文維基嘅Chen Nan）？而家好多電視媒體，全大眾都唔會講你嗰個所謂道教開山嘅人。李婷同楊昊、陳曉東亦唔係全世界得一個，李婷嘅喺跳水同網球、演員都出名；楊昊喺排球同足球、跳水都出名；陳曉東嘅唔係凈得藝人，喺四川嗰邊重有個打籃球嗰位，都好出名㗎，重入埋中國籃球隊添。唔信你去Google搵下，包括而家啲相同搜索結果，前五頁紙講嘅都唔係開山祖嗰個（證明：[1]）。--CRCHF (傾偈) 2015年6月4號 (四) 06:02 (UTC)

好似，但都係廣東話呀。唔通「天衣無縫」，要寫做「天造嘅衫係一條縫都無㗎」？唔通「早睡早起」，要寫做「早啲瞓覺，早啲起身」？唔通「天公造美」要寫做「天上面嘅神仙整到個天氣好好」？廣東話日常都用文言呀。文言喺廣東話之內。寫廣東話唔一定囉囉嗦嗦。我同你傾計就多語氣字，結構鬆散無所謂，但寫百科少啲無謂字，結構嚴謹，知句容易一眼睇哂，同方便讀出。眼睇交談，天生有別嘛。

全球人都識廣東話？全球人都知有個叫陳楠嘅演員同球員？至少我聽未聽過。好可惜Google並無分開廣東話常用字。咁當然，要搞公平主義都可以。HenryLi (傾偈) 2015年6月4號 (四) 10:11 (UTC)

好似，但都係廣東話呀。唔通「天衣無縫」，要寫做「天造嘅衫係一條縫都無㗎」？唔通「早睡早起」，要寫做「早啲瞓覺，早啲起身」？唔通「天公造美」要寫做「天上面嘅神仙整到個天氣好好」？HenryLi (傾偈) 2015年6月4號 (四) 10:11 (UTC)

你講嘅呢幾句我有必要解釋，因為嗰啲翻譯都有問題。例如「天衣無縫」寫成「天造嘅衫係一條縫都無㗎」我就反對，因為粵語本身有「天衣無縫」嘅講法；「早睡早起」嗰個最好譯成「早啲瞓，早啲起」或「早瞓早起」都得；而「天公造美」要寫做「天氣幾好」就得，唔使寫到咁𨳊長嘅。但係本身係古代詩句改成又長又寢嘅我就反對（例如泰山 (中國嘅山)、華山 (中國嘅山)、五臺山、蓮花入面有古詩嘅段落）。我可以舉幾個例，好似「七彩繽紛」，我冇理由會譯佢做「七種顏色咁靚」？「九死一生」，我冇理由會譯佢做「十個當中，九個都係死，凈得一個生」或簡到就噉寫成「9413」啩？重有「三人行必有我師」，我冇理由會譯佢做「三個人一齊行，先至會有我做師傅嗰行」？太搞笑囉……呢啲所謂成語同俗語，又未必要翻譯到噉嘅地步。--CRCHF (傾偈) 2015年6月4號 (四) 22:41 (UTC)

廣東話日常都用文言呀。文言喺廣東話之內。寫廣東話唔一定囉囉嗦嗦。我同你傾計就多語氣字，結構鬆散無所謂，但寫百科少啲無謂字，結構嚴謹，知句容易一眼睇哂，同方便讀出。眼睇交談，天生有別嘛。HenryLi (傾偈) 2015年6月4號 (四) 10:11 (UTC)

而家嘅粵語都有時用到文言。雖然文言都係粵語嘅一部分，但係百科入面，而家大多數用戶都唔會寫到好似文言文噉啩？呢個即使1980年代同1990年代香港回歸之前啲港產片都唔會出現呢種情況，粵語唔係一成不變嘅語言，而家粵語都有出新嘅詞彙（例如：猛人、二五仔、O嘴、甩拖、殺校、踢保、恆大【2011年粵語新詞】、筻濫曬【2012年粵語新詞】、烏龍波……下邊嘅舌尖上的粵語短片已經講咗佢）；另外，粵語俗語都係粵語組成嘅一部分，所以有時出現喺百科係可以嘅。例如我可以將以下呢幾句普通話例句翻譯成粵語：

原文：我们这些货品全都是从蒙特利尔地区运输过来，这些货品在蒙特利尔当地得人都赞不绝口。 翻譯：我哋呢度啲貨冚唪唥都喺滿地可運嚟，喺佢當地啲人都贊到O嗮嘴。

原文：这件肮脏的坑爹货，赶快扔掉，不要把这里弄得像个回收站似的。 翻譯：呢嚿邋遢廢柴快啲擗咗佢，冇留喺度阻住地球轉。

原文：原来那些牛货被人家投诉，他那些货出厂速度慢到比蜗牛行走速度还要慢。 翻譯：原嚟嗰啲正貨俾人哋話出廠速度重慢過和尚念經。

原文：真想不到坐出租车来到这里竟然是荒无人烟的地区，他的儿子简直是吓到懵了。 翻譯：冇諗到打的嚟到呢度真係乜人都冇，佢嘅仔嚇到連阿媽都唔認得喇。

睇到係點翻譯喇？以上呢啲句翻譯例重有好多好多…………有排講，雖然我承認粵語唔使好啰嗦，但係冇理由話粵語係一成不變嘅語言啩？而家寫嘅粵語啲嘢都唔會寫到好似之乎者也嘅文言文啩？以上呢啲例子已經講得好清楚……--CRCHF (傾偈) 2015年6月4號 (四) 22:41 (UTC)

全球人都識廣東話？HenryLi (傾偈) 2015年6月4號 (四) 10:11 (UTC)

你可能唔知粵語嘅人口使用範圍。我畀2015年5月9號嘅見多識廣2節目一part話你知：见多识广2第2集。第27分17秒到第29分13秒，嗰度已經講咗：「全球範圍入面用粵語嘅人口主要係分佈喺兩廣、港澳同海外華人嘅聚集地。其中粵港澳地區嘅人口就有7400幾萬人，加埋星馬泰地區有1000幾萬人，而美加地區加埋就有200幾萬。而家全球大概有1.2億人都喺度用緊粵語。」重多過北韓講嘅韓文成1倍有多（PS: 呢個即使好多識講粵語啲人都唔知嘅，呢度向全球講俾人知。），重有，喺舌尖上的粵語短片（舌尖上的粵語，第5分08秒到5分31秒）都有講：「喺中國使用粵語嘅人口有6600萬，加埋全世界嘅就足足有1200幾萬喇。廣府人嘅足跡行勻成個地球，唔怪得連南極洲嘅企鵝都教北極熊去講粵語。」重有，出面網頁都有講粤语唔係鸟语嘅講法。呢啲粵語使用人口數量喺網上重有好多好多鏈接來源，唔信你打「粵語 使用人口」呢兩組關鍵字去搵。--CRCHF (傾偈) 2015年6月4號 (四) 23:00 (UTC)

全球人都知有個叫陳楠嘅演員同球員？至少我聽未聽過。HenryLi (傾偈) 2015年6月4號 (四) 10:11 (UTC)

今次要你見多識廣（嗰兩位陳楠）：

• 演員：[2][3][4][5][6][7][8]
• 籃球員：[9][10][11][12][13]

--CRCHF (傾偈) 2015年6月5號 (五) 00:33 (UTC)

題外話：

既然話得惜字如金喇。HenryLi，點解你唔將芝麻呢篇嘢搬去芝蔴？好多舊時教材都係將「芝麻」寫成「芝蔴」啵……

話返下而家在世嘅劉翔（當時我未出聲），而家發表我嘅睇法：當初我唔知情，我按維基規矩做嘢。後嚟有人提出搬返去劉翔嗰度之後，我個人表示支持，因為而家全球各地好多媒體同大眾講嘅都係跨欄嗰個，除非國際重有個重犀利嘅劉翔同名人物出嚟我先繼續提出搬版。劉翔嗰個我唔理喇，而家我理嘅係呢篇嘢。我唔單止提出陳楠搬去陳楠 (道士)，甚至提出徐克搬去徐克 (香港)嗰邊。因為全世界唔係就得佢一個人出名，要搵徐克，大鳩把咁多，正如陳楠唔止一家。--CRCHF (傾偈) 2015年6月4號 (四) 06:23 (UTC)

好，承你貴言。我等間就搬。至於要搞公平主義，上面已講。HenryLi (傾偈) 2015年6月4號 (四) 10:11 (UTC)

上面格式重覆亂而，綜合來答。 正如上面凡舉，只係幾個例，若要窮舉到天光都未完。中國普通話同國語係新話，就算互滲，仍然睇到條界。廣東話同文言，原本就係一體，留傳落來，夾硬撕開邊部份係文言，係無理。「天公造美」，唔係「天氣幾好」咁簡單，而係有「上天」依因素，上天都幫手，或者上天都賜予咁嘅含義，並唔係簡寫「天氣幾好」就可以概括。廣東話有新字，無必要要一味廢原字。

我冇話到廢原字，係你理解錯。--2015年6月5號 (五) 02:45 (UTC)

咁就好。HenryLi (傾偈) 2015年6月5號 (五) 03:11 (UTC)

正因你話「全球唔係個個人都信道教」，我先問你「全球人都知有個叫陳楠嘅演員同球員？」全球人太誇張，難道好多非洲人都識？我就唔信全球講廣東話嘅人，都識依兩個人。你舉嘅例，已慘雜中國其他人，而唔係純廣東話嘅人，除非你可以做到依一點。同埋點解一定要知依位演員同球員呢？咁你又唔見多識廣，學下道教。道教至少有千年歷史，至今不衰。重有，維基都無寫演員同球員，做乜咁快就搬定？通常係有寫先傾要搬，唔係一開始就搬，咁係唔符合一貫做法。HenryLi (傾偈) 2015年6月5號 (五) 02:27 (UTC)

維基百科係個傳播知識嘅平臺，最終服務嘅係唔同嘅人群，呢個就係點解要開咁多個唔同語言版本嘅原因。任何嘅語言都係有一定嘅人群，任何一定嘅人群都會有相應嘅文化，維基定題係要根據大多數人嘅認知來做，而唔係好似你噉將個題改到啱嗮你心水噉。得你嗰一個人有咩代表性？係，廣府人全球都有，但只要佢講粵語，佢就會接受粵語所承載嘅文化及其傳統。粵語文化本身係中國文化嘅分支，而道教又係中國文化影響得比較犀利嘅傳統宗敎之一，包括嶺南文化在內都影響到。陳楠喺戲劇界同體育界入面，全球好多媒體都講到佢，又點會唔出名？你講唔通好多非洲人都識──因爲人哋法文同阿剌伯話係國際語言，粵語而家承擔到國際交流用語咩？甚至喺中國內地畀北方歧視，唔承認你係漢民族母語之一，話你係「鳥語」！自身難保，仲學法文噉照顧全球？--CRCHF (傾偈) 2015年6月5號 (五) 02:45 (UTC)

根本唔使理咁多。未識廣東話嘅人，我無諗住寫畀佢哋睇，要考慮埋佢識啲乜，而且地域差異好大。天下之大，無人樣樣都識。同埋你有寫，就一定會有，人哋就搵到，唔使我做咁多跳轉來做，就係方便人搵。HenryLi (傾偈) 2015年6月5號 (五) 03:11 (UTC)

重有，維基都無寫演員同球員，做乜咁快就搬定？通常係有寫先傾要搬，唔係一開始就搬，咁係唔符合一貫做法。HenryLi (傾偈) 2015年6月5號 (五) 02:27 (UTC)

睇住嚟喇，我又寫兩篇嘢話你知。--CRCHF (傾偈) 2015年6月5號 (五) 02:45 (UTC)

咁咪係囉。你不過因為我寫陳楠，你先至諗到寫之嘛。我唔寫，就無人會諗住寫。HenryLi (傾偈) 2015年6月5號 (五) 03:11 (UTC)

順帶一提，我見海芋有改，「呢種植物重係一種有毒嘅植物。」咁無必要㗎，不如寫「海芋有毒，係毒草。」經已一眼晒。植物係生物學用語，廣東話叫草木，睇出來係草就寫草。同埋廣東話唔使好似英文咁，一定有a/an/the，廣東話唔使乜都加「一種」，咁明顯洋化中文。學校教壞書，講廣東話變咗講洋化中文，好似句式咁，反而原本簡簡單𠴱，就畀人誤會係文言。HenryLi (傾偈) 2015年6月5號 (五) 03:11 (UTC)

你講咁多都重係廢話。「海芋有毒，係毒草。」……一睇就知似文言。而家啲課堂講嘅粵語同中文肯定好似英文噉有a/an/the（當然我冇傾向英文），係因為19世紀鴉片戰爭嗰時留落嚟嘅產物（因為嗰時洋務運動比較多，加上啲人成日睇好啲鬼佬發展，而且呢個現象一直持續到而家）。如估你話「學校教壞書」，噉你話學校犯咗罪成個半世紀有多？即使而家英國首相卡梅倫、德國總統默克爾同法國總統奧朗德、俄羅斯總統普京都唔會噉講（當然我冇傾向外文或扼殺文言）。如估佢夠膽噉講，估計而家全珠三角地區啲學校都暴動咗好耐喇。--CRCHF (傾偈) 2015年6月5號 (五) 06:14 (UTC)

等我澄清下面幾點：

1. 語言係靈活嘅，冇人話過陳楠嘅廣東話一定係道教嗰個（同上面我最先話所謂「好快過氣」啲人嘅講法一樣），但係噉唔代表陳楠喺粵語區係特別出名（劉翔嘅例外，雖然全球有好多個劉翔，但而家全球各地邊個媒體都會講嘅係跨欄嗰個，除非全球重有第個「劉翔」喺全球各地都會講到佢或出名，我先會繼續提出搬）。
2. 「學校教壞書」，不足為過。如估你噉講，噉你話學校犯咗罪成個半世紀有多？啲課堂講嘅粵語同中文肯定好似英文噉有a/an/the係1860年代開始嘅事，嗰時係洋務運動比較犀利嘅嘢（當然我冇傾向英文）。時至今日，我哋粵語區重有好多人都睇啱鬼佬點發展。之前粵語區啲人寫嘅中文係從右到左寫嘅，後嚟喺19世紀尾20世紀初先至改成從左到右。你話學校教壞書，噉你話學校犯咗罪成個半世紀（至少150年）有多？即使而家英國首相卡梅倫、德國總統默克爾同法國總統奧朗德、俄羅斯總統普京都唔會噉講（當然我冇傾向外文或扼殺文言）。如估佢夠膽噉講，估計而家全珠三角地區啲學校都暴動咗好耐喇。
3. 上面我講到嘅係陳楠喺娛樂界同體育界都好出名，梗係有歷史原因。陳楠喺踏入2000年代之前，粵語區凈得一個拜山嘅道教人先至出名，但嗰時係公元2000年之前嘅事。我查過另外出名嘅兩位陳楠，其中打籃球嗰個（1983年出世）喺粵語區入面，從2000年開始就出名（因為攞咗亞洲女籃MVP）；而做電視劇嗰個（1995年出世）係2012年嗰時開始出名（因為影咗幾部係全中華地區都有得睇嘅電視劇）。唔通你都扼殺後生仔嘅發展啊（人哋吳亦凡同TFBOYS、蘇炳添就係個版！）？正所謂：冇創新就冇進步。我講嘅呢啲人喺相關嘅正文入面已經有佢嘅版。
4. 文言文喺而家嚟講已經冇乜人識。唔係嘅話，文言文維基都至少10萬篇嘢喇，但佢而家連4000篇都冇。文言文維基我先唔理，我個人覺得，用現代粵語先至符合而家嘅發展潮流。

--CRCHF (傾偈) 2015年6月5號 (五) 22:57 (UTC) 上面澄清幾點補充一個：

舉嘅例，已慘雜中國其他人，而唔係純廣東話嘅人。HenryLi (傾偈) 2015年6月5號 (五) 02:27 (UTC)

簡直係不足為過，以前WikiCantona畀嘅TALK:鳳凰城入面嘅鏈接（例如光明頂 20140926 滅粵打非嗰集），入面有講到「而家啲上海佬，為咗同港澳成功合作，佢哋都嚟學粵語。」。南方電視台TVS-2喺2015年4月16號都有話到幫北佬啲外來工唔識粵語啲仔女培訓好粵語，重向全廣州嘅中小學推廣。；2010年撐粵運動嗰時，汪洋都有話「我而家都喺度學緊粵語，邊位夠膽廢粵」；甚至連廣州地鐵都唔夠膽滅粵嘅講法。你重話慘雜？完全離嗮譜。唔信問下廣州電視台嘅趙榮主持（人哋係第9屆美在花城嘅冠軍）？係，雖然佢係汕頭佬，但佢而家講粵語都好流利嘅。（題外話：講到廣州地鐵嘅報站語言，以前體育西路站嘅3號綫試過得煲冬瓜嘅報站，後嚟喺2014年7月先至加咗粵語同英文上去）--CRCHF (傾偈) 2015年6月6號 (六) 23:36 (UTC)

HenryLi，就算你惜字如金有理有據，恁你寫親文章都半隻參考都唔加又點解釋呀？【粵語文學大使殘陽孤侠】支持全面中止IP用戶編輯權 2015年6月7號 (日) 02:42 (UTC)

最近呢幾日有位嗌Jason6698嘅人話到嘅平等搞清楚問題，簡直係不足為過（幾日前嘅梅同根就係個版。究竟係咩事，我會喺嗰版傾……但呢度講嘅係陳楠）。HenryLi，上面已經講明，既然至少有兩位同名嘅人係特別出名，點解唔用平等搞清楚？有咩證據啊？係，你係管理員。但管理員既唔係榮譽，又唔係統治人物，甚至冇任何額外權威啊。你知唔知維基媒體計劃入面，最大嘅係元維基啊？--CRCHF (傾偈) 2015年6月7號 (日) 14:19 (UTC)

好啦，點講都算係一天光曬，起碼多咗兩個人入嚟表達意見。而家讚成3票，反對1票。今次按維基規矩做嘢，放多一個禮拜，睇下有冇異議或其他人加入。冇嘅話，請尊重現時嘅社群共識。（既然有呢個嘅共識，跟住就撥亂反正，凡係HenryLi掂過嘅文章，我會重新檢查。有矯枉過正問題嘅，全部歸正。）--CRCHF (傾偈) 2015年6月9號 (二) 22:15 (UTC)

嗰版已經改咗名。另外篇文響細睇之下，仍然係一篇粵文，呢個純粹文言之說見唔到有，無需要將白話強加響一篇已經係用粵文寫嘅文章度。Shinjiman ⇔ ♨ 2015年6月16號 (二) 01:03 (UTC)

我唔係話純粹係文言，而係話夾雜徂太多文言。【粵語文學大使殘陽孤侠】支持全面中止IP用戶編輯權 2015年6月16號 (二) 01:56 (UTC)