跳去內容

Talk:洲頭咀

頁面內容唔支援其他語言。
出自維基百科，自由嘅百科全書

嘴同咀係唔同字來。以前人唔識字，嘴寫錯做咀。洲頭嘴來源：

HenryLi (傾偈) 2015年3月23號 (一) 09:48 (UTC)[回覆]

咀指含住嘢食，嚼係咬碎佢。嘴，原本寫觜，指尖形。專指口，就係嘴。人借尖形講解地理。唔單止洲有嘴，山都有嘴，叫山嘴，指山腳突出嘅地方。若寫做咀，意思解唔通。維基有必要知道正筆俗寫。HenryLi (傾偈) 2015年3月23號 (一) 10:39 (UTC)[回覆]

反對。HenryLi，你呢個講法好似唔多妥。

第一個：人哋「洲頭咀」呢個講法已經係深入個個廣州街坊嘅人心。已經冇人夠膽講你嘅「洲头嘴」呢個講法。之前「洲头嘴」嘅講法係以前用緊GB2312字庫嘅事，嗰時係未有「咀」字。而2000年推出咗GBK同2002年推出咗GB18030之後先至改返嗌呢個「咀」字。另外，唔係個個百度百科同互動百科入面啲嘢都信得嗮。我去过腾讯地图、高德地圖、Google地圖都搵過，冇洲头嘴客运站呢樣嘢。而你所謂* 广州市海珠区洲头嘴客运站呢個鏈接，完全係呃人嘅。因為我去過二沙島現場，根本就冇地圖所講嘅洲头嘴客运站，有本事嘅睇下街景，順便睇嗮成條厚德路嘅街景，睇吓有冇所謂嘅「洲头嘴客運站」，如估你重係唔信嘅，嚟廣州嗰邊坐巴士去南田路口站落車，跟住過去重行嗮成條厚德路睇吓有冇你講所謂嘅「洲头嘴客運站」。

第二個：同「洲頭咀」有關嘅寫法，你認真睇吓：2015年01月19號嘅羊城晚報、廣州日報、洲头咀隧道通车 街坊:过江便是太古仓 好方便、2015-01-18嘅羊城网发布、[www.sohcradio.com/b5/2015/01/18/Art1118323.html 甚至连国外嘅希望之聲都係噉講]、廣州圖書館講嘅洲头咀抗英纪念浮雕、呢個、重有[1]，唔信嘅話，你去洲頭咀嗰邊睇吓當地嘅路牌、地圖，都係寫個「咀」字，而唔係用呢個「嘴」字。重有一個證明可以駁低你嘅： 呢篇嘢嗰張相： 擘大隻眼睇眞啲喇 上邊寫嘅係咪你話嘅「洲頭嘴」啊？

第三個：我去搜索引擎入面搵過，「洲頭咀」呢個關鍵字可以搵到相，而「洲頭嘴」呢個關鍵字係搵唔到同佢有關嘅相。

證明： 實驗關鍵字：洲頭咀 Google：[2]；百度：[3]；必應：[4]

實驗關鍵字：洲頭嘴 Google：[5]；百度：[6]，提示話「你係咪搵『洲頭咀』」嘅講法；必應：[7]，甚至冇圖。

重有嘅係，「洲頭嘴」呢三個字簡化成「洲頭咀」係清朝嗰時嘅事。中國內地之後嘅簡化行為都係用呢個「咀」字。（究竟點解，睇吓上面「第二個」嗰度啲鏈接）

咁多證明你有冇嘢講啊？--CRCHF (傾偈) 2015年3月23號 (一) 14:26 (UTC)[回覆]

陳公博回憶錄講洲頭嘴，有圖為證。
我都唔明，點解今下閣下時時話人病毒音，點解會維護錯字呢？
呢度我先話點解。舊時嘅制度唔健全，而家嘅制度已經健全咗。係你唔知。--CRCHF (傾偈) 2015年3月23號 (一) 22:56 (UTC)[回覆]
點樣健全咗先？同埋而家個制度嘅討論共識喺邊度有得睇？210.5.178.126（討論） 2015年3月25號 (三) 05:35 (UTC)[回覆]
呢度--CRCHF (傾偈) 2015年3月26號 (四) 01:30 (UTC)[回覆]
一。大家查邊本字典，都唔會話咀係地理上用字，嘴先至係。
你講嘅「嘴」呢個地理用字搵出唔會話咀係地理上用字嘅證明（最好有佢嘅地图证明）。以前广州阿沾讲嘅咩「Napier I.」就係个版（有关证明：二沙島嘅广州阿沾改過嘅版）--CRCHF (傾偈) 2015年3月23號 (一) 22:56 (UTC)[回覆]
二。而且，廣州人都出聲閙，點解叫洲頭咀隧道？而唔係洲頭嘴隧道。如依一篇： 究竟系“洲头咀”隧道定系“洲头嘴”隧道？
『广州最大的过江隧道洲头咀隧道在18日中午11时开通。不过就有很多河南的旧街坊就质疑，为什么不是“洲头嘴”隧道，而是“洲头咀”隧道呢？
查清末民初的老地图，官方的多标“洲頭嘴”，不过也找到一些清末也有老地图标“洲頭咀”，英文称“HONAM POINT”。
有民俗学家刘谦定曾解释过说：因为“嘴”的形状是突出来的，因此一些地形、地貌突出的地方就用“嘴”来命名了，这是一种民间的俗称。“嘴”还有“山嘴”和“水嘴”之分，比如积玉桥的沙湖嘴，因靠近沙湖，可算是“水嘴”。 至于为何有的地名用“嘴”，而有的用“咀”，刘谦定认为，过去读书人少，很多贩夫走卒都习惯用“简化字”，“嘴”的笔画繁琐，因此有些人就习惯写成“咀”，属于同音异写。
如此说来，官方是用了一个没文化的简化写法来命名这个广州最大的过江隧道了。』
明明白白指責官方，做乜用無文化簡化寫法來命名。難進佢哋唔係廣州人？
你個頭先至唔係。
三。同一篇留言已講解，『很多人誤以為「咀」是「嘴」的簡化字，為甚麼呢？原來，在中國文字改革委員會1977年提出的《第二次漢字簡化方案（草案）》中，曾收錄了853個新的簡化字（又稱「二簡字」），當中包括將「嘴」簡化成「咀」的建議。但是，這批簡化字草案遭到當時許多內地學者的反對，國務院於1986年明令廢止。』二簡字曾經用過一排，最終收回。根本就唔應該錯當成對。
四。另外陳公博係民國政治人物，亦有講到洲頭嘴。『根據報紙記載，⋯⋯我們下午一點鐘便在河南洲頭嘴雇了一艘小艇搖到芳村的碇泊地。』
五。Google搵洲頭嘴，有九十四萬幾個答案，百度搵洲頭咀，一樣過幾萬個答案。必應Bing搵洲頭嘴，一樣有十七萬個答案。證明洲頭嘴仍然廣泛咁用。
六。二〇〇〇年出GBK，係二〇〇二年出GB18030，都分別有已有十五年到十三年。嗰個年代網頁重係好原始，現在大部份網絡資料，都無咁早入啦。何況更早之前？
七。未有GBK之前，GB 2312-80，就有「咀」字，區點號係3055，話GB2312無「咀」而迫住用「嘴」。根本唔合事實，係誤導人。
習非成是，都可以講。用乜嘢字做正題，咁都可以斟酌。但前言話「洲頭嘴」係錯字，就係顛倒是非，本末倒置。錯就係錯，唔會變成正筆。一切證據確鑿。習非成是，點解明知錯字仍會堅持？唔明。而又唔係唔畀人俗寫洲頭咀。字義應分辨清楚，反來誤導人正筆係錯，就唔係好啱。
HenryLi (傾偈) 2015年3月23號 (一) 15:35 (UTC)[回覆]

「洲頭嘴」又好，「洲頭咀」都好，首先唔該阿HenryLi 唔好成日寫埋澌啲十句話起碼有六七句夾雜文言嘅文章。宜家已經唔係洛陽紙貴嗰個年代，唔需要再學寫文言嗰陣恁「惜字如金」。重有，你做徂咁耐管理員，係點都唔會唔知無來源嘅內容係隨時都剷得嘅。如果你真係想粵維達到你所講嘅「世界級」嘅話，就唔好犯「開親文章都半個參考都無」爾種低級錯誤。【粵語文學大使殘陽孤侠】支持全面中止IP用戶編輯權 2015年3月24號 (二) 07:39 (UTC)[回覆]

你想發洩同攻擊我，請去我版度講。唔好離題，多謝合作。HenryLi (傾偈) 2015年3月24號 (二) 21:51 (UTC)[回覆]
發洩？攻擊？恁你即係話凡係表示對你不滿都係攻擊啦噃？你自己擘大隻眼睇眞啲：我咁鬼辛苦先至將你啲夾雜大量文言嘅內容全部改澌白話，你唔單止多謝都無聲，重粒聲唔出將佢等改返澌做文言，恁係焉個攻擊焉個先啊？你身為管理員，明知無參考嘅內容隨時剷得，重非但唔做個好榜樣，反而學似啲新人恁半個參考都唔加，我提醒你加你重調返轉頭來話我攻擊你，恁又係焉個攻擊焉個先啊？
如果你真係擔心我會威脅到你嘅絕對權威嘅話，恁你可以放心：祇要你一日重係粵維百科嘅管理員，我都會咁無拳無勇。放心未？【粵語文學大使殘陽孤侠】支持全面中止IP用戶編輯權 2015年3月25號 (三) 18:21 (UTC)[回覆]

HenryLi，你講咁多都重係廢話。你唔嚟廣州啩？我今日就畀啲嘢你睇吓，佢哋當地嘅「洲頭咀」係點寫喇！歡迎7+1摟埋睇！！！

前言：呢個回復係针对2015年3月22號——23號所谓嘅「咀」同「嘴」字用法嘅一次正式回应，唯一一次重係最后一次，以后唔会再理呢啲噉嘅事件嘅无理取闹！

但係我都唔係绝对高调，平时好少有人睇到我點樣寫乜百科或同人嗌煞嘅嘢，我本人都絕對好憎呢個行为，因为呢個實在係太過詐傻扮懵，一般嚟讲，人哋唔同我搞搞震，我都唔会主动去搞搞震。但係近排嘅HenryLi嘅行為完全係離嗮譜。以前嘅TALK:五臺山嗰單案我就問過好多百科，係語言嘅問題先至搞出噉嘅嘢。

冇事就冇喺度搞事，有事就乜都唔驚，唔理佢係百科、遊戲、定係生活，係我一向嘅做人原则。

關於「洲頭咀」嘅名有關嘅拗數已經搞咗成4日喇，究竟係「咀」定係「嘴」，以下就話畀你哋知咩答案（歡迎7+1摟埋睇！！！）：

1. 首先我坐巴士去咗革新路口站落車，跟住返轉頭去到洲頭咀隧道附近嘅內環路口，發現嚿牌係噉寫嘅：

2. 跟住我入咗去洲頭咀隧道口附近，發現嗰度嘅路牌同電子記錄儀都係噉寫嘅：

3. 由於嗰度附近一帶都重係樓盤嘅建築工地，加上附近冇乜馬路可以直接去到洲頭咀公園嗰度，所以我就返轉頭去咗一條內街，穿到同福西路嗰邊。喺同福西路嘅最西邊嗰度有嚿路牌係噉寫嘅（睇清楚路牌嘅藍底白色嘅「西」字附近寫嘅係乜）：

4. 就喺嗰條街附近，又發現咗一嚿街道嘅牌都係寫住「咀」嘅名：

連佢嘅門牌都唔例外：
甚至連下面呢條街名同街道都係用呢個「咀」字
洲咀街道嘅社區欄，上面的的確確用嘅係「咀」字。而唔係HenryLi講嘅「嘴」！

5. 出咗呢條街道之後，喺廣州酒家門口又發現咗嚿濱江西路嘅路牌，睇住西邊方向嗰度！寫嘅係洲頭咀公園呢五個字：

6. 之後我就行咗去公園嗰頭入咗去，去到公園嘅東南門嗰度有嚿廣東綠道嘅牌係寫住洲頭咀公園嘅名嘅！

一嚿綠道牌，上面寫嘅的確係“洲頭咀公園”。

7. 跟住我入咗個公園附近嘅樓盤工地嗰度，嗰邊嘅廣告都係寫住洲頭咀公園嘅！

洲咀公園附近嘅樓盤寫嘅“洲頭咀公園”呢個名嘅寫法。

8. 之後我調頭行返出嚟廣州酒家附近，發現嚿綠道嘅導向牌都係噉寫嘅！

9. 之後無耐我就離開咗洲頭咀公園，去到一個巴士站附近，個巴士站名係噉寫嘅（睇眞啲先至講）：

10. 跟住無耐我就嚟咗一個愛國主義教育基地，上面嘅介紹的的確確眞係寫住個「咀」字嘅（認真睇一次呢篇嘢）：

呢篇嘢，上面寫嘅係咀字，而唔係「嘴」！

11. 後嚟我去到一間保齡球館附近（以前ESPN喺2000年嗰時搞過CGU保齡球大賽嗰度），又發現咗嚿寫住「洲頭咀」嘅名：

12. 最後去到洪德路差唔多人民橋底附近，發現有嚿導遊路牌都係噉寫嘅（睇清楚右邊嘅黑底黃字先至講）：

結果：附近係冇所謂嘅洲頭咀客運站同洲頭嘴碼頭響度。文章入面嘅洲頭咀客運站同洲頭嘴碼頭係呃人嘅。如估上面嗰啲你重唔信嘅話，嚟廣州嘅海珠區西北邊嗰度見喇。到時睇吓邊個勁？就噉話喇：計埋上面我畀嘅洲頭咀隧道嗰張相，完全係可以證明出個「咀」字嘅證明。最後一句：咁多嘢你駁唔駁得低啊？ 对于其它諗住睇我係蘇州屎嗰啲人，我可以話唔冇意思，你哋失嗮望喇。雖然我唔係管理員，又唔係乜事務員，但係我呢次咁啱撞正嘅係你哋成日話嗰啲拗一餐嘅人，都未必好到邊（PS:我冇鬧到人）。你哋噉就為一個字而拗一餐？好彩我今日搵到嗮證據。智商啊！！！ 最后我諗住同大家講嘅係，呢次我有一大堆證據，你好似冇乜地圖證據噉話洲頭嘴嘅本字。鬼先至信咩！如估百科重停留喺一個時期，人只會越嚟越少。百科必須要有創新先至得！！！重有，呢度唔係文言文維基百科！！！--CRCHF (傾偈) 2015年3月27號 (五) 09:42 (UTC)[回覆]

解決

[編輯]

雖然話HenryLi有話佢嘅本字，但係由於未畀到同佢本字嘅地圖證據，所以直接搬去「洲頭咀」嗰度。原因：上面CRCHF喺河南影返嚟嗰啲實圖就係證據，好多地方都係噉寫。如估有異議，請重新開版討論。--CRCHF (傾偈) 2015年4月3號 (五) 07:50 (UTC)[回覆]

我已經打回頭，原因如下：
  1. 既然CRCHF引得呢一頁出嚟，唔該解釋下佢嘅第三頁入面嘅係乜嘢。
  2. CRCHF喺搬文嘅編輯摘要聲稱「按TALK:洲頭嘴嘅共識而搬版，由於連續7日冇討論，所以直接搬。」但而家正反人數比例係1:1，唔係達成共識嘅比例。冇共識嘅結果係「唔搬」，唔係「搬」。
  3. 用Copy & paste形式搬文，破壞咗篇文嘅編輯史。
基於以上原因，我唔見得呢次討論有解決過啲乜嘢。
SC96 (傾偈) 2015年4月3號 (五) 13:19 (UTC)[回覆]

第二次提出搬版嘅理由

[編輯]

以上各位人員同我聽住啊！！！我雖然喺韓國大邱嗰邊嚟，但係我前日去完廣州嗰邊出差返嚟，經過河南嗰邊，佢哋嗰邊眞係寫住「洲頭咀」呢三個字㗎！！！因為我去過嗰邊。--KRVKEE14 (傾偈) 2015年4月5號 (日) 22:21 (UTC)[回覆]

支持CRCHF同KRVKEE14嘅意見，HenryLi根本就係大細超。一方面，佢將所有可能有普通話色彩同唔規範用字嘅嘢當成係殺父仇人（雖然我都唔傾向用普通話色彩同唔規範用字嘅嘢）；另一方面，佢又任由舊名同文言文嘅嘢喺粵語維基百科散播（例如之前嘅老撾就係個版，佢竟然夠膽話成喺寮國啵！）如估HenryLi真係咁尊重原文，尊重歷史嘅話，點解唔將「西朗站」、「大元帥府碼頭」、「越和國際眼鏡城」、「加多寶」或「北京路 (廣州越秀)」、「西關培英中學」、「下九路」改名做「西塱站」、「石涌口碼頭」、「五羊城酒樓」、「王老吉」或「漢民路」、「廣州市第廿九中學」、「秀麗三路」？呢度係粵文維基百科，凈係畀用粵語嚟嚟寫嘢嘅百科，而唔係「粵語」+「文言文」組成嘅維基百科。俗話再話齋：呢個視頻有講到話「粵語唔係一成不變嘅語言」咩？如估HenryLi真係連「猛人」、「的士」、「烏龍波」、「恆大」、「O嘴」、「殺校」、「畊濫嗮」、或「騎呢」呢啲噉嘅詞都唔識，睇嚟佢唔啱喺呢度嘅發展。總而言之一語道破：如估HenryLi再噉落去，估計佢連世界各地所有語言，最可能連最基本嘅知識正確性都要犧牲埋。--SM5DDRdn6 (傾偈) 2015年4月7號 (二) 07:32 (UTC)[回覆]

個人支持搬去「洲頭咀」嗰度；等我澄清下面幾點：

  1. 語言係靈活嘅，冇人話過粵語係冇新嘅詞彙出現。
  2. 官方有幾個地方都有寫同「洲頭咀」呢三個字有關嘅嘢：[8]、[9]、[10]、[11]、[12]，呢啲網頁都係海珠區政府嘅官方文件。
  3. 請HenryLi唔冇再寫埋嗮啲文言文嘅嘢響呢個百科入面。而家係公元（AD）21世紀，唔係洛陽紙貴嗰個年代，唔需要再學寫文言嗰陣恁「惜字如金」。
  4. SC96話我唔見得呢次討論有解決過啲乜嘢。——之前衹係兩個人喺道拗，而今既然社群共識已經清楚，就請大家尊重。

Pa4Dk7 (傾偈) 2015年4月7號 (二) 22:45 (UTC)[回覆]

支持。我細個就住喺洲頭咀嗰邊，我净知嗰度寫嘅係"咀"字。我哋尐子孫後代净係知呢度用嘅係"咀"字。所以我支持CRCHF嘅搬版意見。--183.60.183.16（討論） 2015年4月8號 (三) 12:32 (UTC)[回覆]

雖然話共識可以改，但係過得嗰兩日又話要搬，究竟想點先？SC96 (傾偈) 2015年4月8號 (三) 12:39 (UTC)[回覆]

個人支持按現狀用「咀」字。但同時有必要指出爾個討論目前未達成共識。--William915（傾偈） 2015年4月17號 (五) 02:58 (UTC)[回覆]

懷疑襪公仔

[編輯]

襪公仔係指一個人用得多過一個戶口。維基百科嘅預設立場係：所有註冊用戶都只係用一個帳號嚟編輯。呢個規定嘅最大目的，係制止透過用多重帳號嚟偽冒、滋擾同做任何違反維基百科方針嘅行為，同時定義用戶可合法使用多重帳號嘅情況。
User:CRCHF =

--– Danny♪Chan 2015年4月8號 (三) 12:44 (UTC)[回覆]

又嚟一單

[編輯]

如果要搬版嘅話，請盡量去用搬版功能去改名，如果做唔到嘅話，必要時就要請求管理員去幫手，唔好自把自為用剪貼移動方式搬版，呢個係會視做破䃶嘅行為。呢個搬版嘅編輯歷史都搞咗好耐。 Shinjiman ⇔ ♨ 2015年5月22號 (五) 00:37 (UTC)[回覆]

另外一版《洲頭咀》嘅編輯歷史搬咗去Talk:洲頭咀/洲頭咀。 Shinjiman ⇔ ♨ 2015年5月22號 (五) 00:38 (UTC)[回覆]
同埋，而家嘅情況算唔算係有共識？我唔覺得而家嘅共識係清楚囉。SC96 (傾偈) 2015年5月22號 (五) 11:59 (UTC)[回覆]
可能係佢將啲先前疑似襪公仔重新計過數。--William915（傾偈） 2015年6月10號 (三) 15:45 (UTC)[回覆]
呢次嘅搬版係同數人頭無關，呢個係基於現時嗰個地方嘅使用情況而去改名嘅。 Shinjiman ⇔ ♨ 2015年6月11號 (四) 01:11 (UTC)[回覆]

洲頭嘴客運站

[編輯]
洲頭嘴客運站

近排睇过爾一版嘅討論，其實我好想講HenryLi提到嘅「洲頭嘴客運站」係存在嘅，因為我以前就住嗰頭，曾經見過。「洲頭嘴客運站」已經無咗好耐，我近排返河南睇，發覺嗰頭連光德路都拆埋，厚德路、永興街都拆到我都唔認得個樣，隔籬嘅女人街同厚德市場都無埋。但因為佢拆咗，我又一直搵唔到圖嚟證明，就算我講有都係空口無憑。爾幾日睇咗啲舊書，噉都畀我搵到張「洲頭嘴客運站」嘅相（睇圖）。當然，洲頭咀都係維持現狀好，我今次祗不過係想證明「洲頭嘴客運站」嘅存在。張相夠唔夠清晰啊，話無「洲頭嘴客運站」嗰位？其實無謂將呢啲爭拗搞到好似發動戰爭噉，有理有據講明自己觀點就得。
广州阿沾 (傾偈) 2015年8月21號 (五) 16:05 (UTC)[回覆]

我一路都記得我二年級嗰陣真係去過洲頭嘴碼頭搭遊輪去過外伶仃島。最衰宜家共產黨拆到乜都無澌。多謝广州阿沾提供張相。【粵語文學大使殘陽孤侠】支持全面中止IP用戶編輯權 2015年8月21號 (五) 17:30 (UTC)[回覆]
舊時有「洲頭嘴客運站」嘅證明就得喇，記得寫返幾時拆咗就係喇。一講到洲頭嘴客運站，搞到我諗返1994年嗰時嘅四牌樓，之前有4嚿牌坊都因為整闊條解放路而拆嗮……--WKDx417 (傾偈) 2015年8月21號 (五) 22:14 (UTC)[回覆]

呢個禮拜二，我又去咗黃埔古港嘅一間博物館入面睇過展覽，發現咗洲頭咀嘅用字。下面張相又可以證明洲頭咀嘅用字理由： File:Götheborg at Canton in 2006.jpg

--WKDx417 (傾偈) 2015年8月28號 (五) 07:06 (UTC)[回覆]

我無話要改字，我只不過係想證明洲頭嘴客運站嘅存在，上邊亦講得好清楚。用字無謂再拗，一於「咀」就算。類似嘅地名用字，例如鼇洲（我準備寫）同鰲洲、瑤頭（我準備寫）同窑頭、龍延里同龍涎里，亦都無謂拗，有個做標準就得。 广州阿沾 (傾偈) 2015年8月28號 (五) 07:26 (UTC)[回覆]
噉呢件事就告一段落（PS:求先我證明個咀字係話畀上面HenryLi嗰位）。--WKDx417 (傾偈) 2015年8月29號 (六) 03:29 (UTC)[回覆]

對外連結有變 (2019年2月)

[編輯]

各位編輯仝人：

我啱啱救返洲頭咀上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年2月19號 (二) 10:46 (UTC)[回覆]

對外連結有變 (2019年9月)

[編輯]

各位編輯仝人：

我啱啱救返洲頭咀上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年9月21號 (六) 16:06 (UTC)[回覆]

對外連結有變 (2021年3月)

[編輯]

各位編輯仝人：

我啱啱救返洲頭咀上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2021年3月24號 (三) 21:14 (UTC)[回覆]

對外連結有變 (2021年12月)

[編輯]

各位編輯仝人：

我啱啱救返洲頭咀上面嘅 3 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2021年12月31號 (五) 01:54 (UTC)[回覆]

由「https://zh-yue.wikipedia.org/w/index.php?title=Talk:洲頭咀&oldid=1751704」收