Talk:精神障礙
建議搬去「精神病」
[編輯]唔知有無人對心理學、哲學感興趣，瞭解過呢兩科對精神病嘅睇法？
之所以我認爲「神經病」唔及「精神病」好，係因爲呢個題目，將精神病限定爲生理學上嘅「神經疾病」。但瞭解過心理學中精神分析流派嘅人，都會知道，精神病唔一定只係 神經 嘅問題，人嘅大腦固然係個神經中樞系統，但人嘅心理好複雜，唔係所有心理問題可以透過神經來解決。比如精神分析指出人有潛意識，而神經解剖至今未搵出佛羅依德講嘅潛意識、性力，至於容格提出嘅集體潛意識更加係解剖唔出。所以，將標題寫做「神經病」顯得視野太窄。換個講法，神經痛算唔算神經病？神經癱瘓算唔算神經病？佢哋都係神經系統嘅疾病，但唔係精神病。我哋唔會因爲一個人三叉神經出咗問題，魂精痛，所以話佢有精神病。
哲學上講，主要係福柯嘅後現代哲學。福柯指出，話一個人有精神病，不過係理性社會對非理性嘅殘酷鎮壓，所謂精神病院，其實係暴力機構，因爲既然係醫院，點解啲病人唔可以自由出入，反而因爲佢哋有「病」所以韞住佢哋？點解啲病人無權放棄治療呢？從哲學角度睇，如果精神病，真真正正只係神經嘅問題，換言之係個客觀事物，噉完全可以用科學（工具理性）去解決呢個問題，但福柯嘅哲學揭露出，所謂「精神病」，乃係理性階級制度對非理性嘅污名化。而人類歷史充滿不義同鎮壓，要鎮壓某個群體，最簡單嘅方法就係，宣佈佢哋「有病」，宣佈佢哋「污糟」，要隔籬，要「醫好」佢哋，費事呢啲「有病污糟」嘅人「污染」咗社會，維護社會嘅「潔淨」，就好似納粹對猶太人的屠殺，就好似古代對「背離婦道」嘅女人嘅迫害。
以上啲話唔一定好理解，尤其係福柯呢種非理性哲學。但我以文史哲愛好者嘅身份指出，呢個標題唔妥，就咁多。--S7w4j9 (傾偈) 2015年4月24號 (五) 07:22 (UTC)
- 本來我就覺得用「精神病」比較好，但係因為無足夠理據所以無提出。而今有人提出我會支持。--William915（傾偈） 2015年4月24號 (五) 07:39 (UTC)
建議改題做《精神障礙》
[編輯]呢版嘅內容對應嘅係世衞ICD-10呢個大類，細睇羅列，生理紊亂、藥物依賴、藥物中毒、失眠、嗜睡、夜驚症、惡夢、勃起障礙、早泄、性慾亢奮、性交疼痛、發達障礙（比如學力特異發達）、語言障礙（甩咳）都喺入面。細諗我哋講一個人有精神病，好少話因爲你瞓唔着覺，所以有精神病，你藥物中毒，所以有精神病，你講嘢甩咳，所以有精神病。感覺用《精神病》做題會對唔上個語義範疇。
因爲根據對心智嘅影響，分思覺失調、神經官能症兩大類，我建議將《精神病》做跳轉去《思覺失調》，《神經病》跳去《神經官能症》。（但呢個我未諗好，或者暫時唔喐佢）
而ICD-10呢版不妨定題做《精神障礙》，稱之爲障礙，亦有份人權關懷喺入面。人類社會向有「清潔」「隔離」嘅觀念，即係恐懼污糟嘢，要將污糟嘢隔開，「病」就係其中之一。人類恐懼疾病，想唔掂到自己，所以有隔離。所謂隔離就係遮住，遮住事物嘅真相，任憑恐懼印象佔據頭腦，恐懼之下進而有迫害。定題做「障礙」係想澄清一樣嘢：嗰啲患者本身遭受痛苦，呢啲障礙攔住佢哋去尋常生活，但之爲障礙，亦即佢可以跨越。稱之做障礙，可以令人有同理心，瞭解患者嘅痛苦，亦避免勾起無謂嘅對疾病嘅驚懼。英文亦只定性爲disorder，而非illness。
所以嗌做障礙，一係語義範疇嘅相切，二亦爲大衆嘅人權啓蒙。--S7w4j9 (傾偈) 2017年12月20號 (三) 09:20 (UTC)
- 啱先新寫咗法律定義。可以睇到無論香港定臺灣，「精神病」都係放喺mental disorder之下，既然有法律支撐，呢版題定做《精神病》係非常之唔妥，精神障礙/紊亂/疾病嘅法律涵意要大過精神病，精神病應該作爲屬下分支，掟去《思覺失調》。--S7w4j9 (傾偈) 2017年12月20號 (三) 11:06 (UTC)
對外連結有變 (2021年6月)
[編輯]各位編輯仝人：
我啱啱救返精神障礙上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：
- 加咗存檔 https://web.archive.org/web/20160604031635/http://big5.gov.cn/gate/big5/www.gov.cn/flfg/2012-10/26/content_2253975.htm 落 http://big5.gov.cn/gate/big5/www.gov.cn/flfg/2012-10/26/content_2253975.htm
如果隻機械人有錯，請睇問答頁嘅指示。
唔該晒！—InternetArchiveBot (報告軟件缺陷) 2021年6月27號 (日) 01:07 (UTC)
對外連結有變 (2023年8月)
[編輯]各位編輯仝人：
我啱啱救返精神障礙上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：
- 加咗存檔 https://web.archive.org/web/20200328042606/https://www.hklii.hk/chi/hk/legis/ord/136/s2.html 落 http://www.hklii.hk/chi/hk/legis/ord/136/s2.html
如果隻機械人有錯，請睇問答頁嘅指示。