精神障礙
| 精神障礙 | |
|---|---|
| 分類同外部資源 | |
 19世紀亞芒·戈池嘅畫，畫中有8個有精神疾病嘅女人。 | |
| ICD-10 | F99 |
| 醫學主題詞 | D001523 |
精神障礙（粵拼：zing1 san4 zoeng3 ngoi6），又叫精神疾病（zing1 san4 zat6 beng6）、精神紊亂，失心瘋，失心病[1][2][3][4][5][6][7][8]（紊讀問，zing1 san4 man6 lyun6）[註 1]又稱情緒病[9]，係種有特定癥狀去影響心理同日常行為嘅病，呢啲癥狀構成行爲上嘅功能性障礙，而同行爲嘅社會規範無關。根據病徵大體上分爲思覺失調同神經症兩類。而根據程度分爲精神異常（zing1 san4 ji6 soeng4）同精神錯亂（zing1 san4 co3 lyun6）。
根據世界衛生組織，精神障礙會有症狀同痛苦所導致嘅功能性不全[10]；而據美國精神醫學學會，精神障礙會有顯著嘅痛苦以及功能性障礙[11]。習慣上，精神障礙稱呼做精神病（zing1 san4 beng6），對應嘅英文係mental disease[10]，嚴格嘅正式用語叫「精神障礙」或者「精神紊亂」，對應嘅英文係mental disorder[10][12]。一般各種精神障礙嘅名叫做「症」或者「障礙」。而確診得咗精神疾病嘅人稱爲精神病患。
精神疾病有生理因素同心理因素。生理因素同神經系統有關，尤其係腦部神經嘅異常，呢方面有時有些少遺傳因素，所以坊間俗稱做神經病（san4 ging1 beng6）；心理因素比較複雜多樣，比如外界好強嘅刺激等。
推定喺世界上嘅罹患者有4500萬人，每四人就有一人喺一生中經歷一次以上嘅精神障礙[13]。喺任意時刻，成人人口中每十人就有一人罹患精神疾病[14]，而18歲以下嘅兒童青年每八人中有一人罹患，當中殘疾兒每五人中有一人[14]。神經精神疾患佔世界失能調整生命年（DALY）嘅13%，WHO推定到2015年增加到15%[13]。喺美國，同精神障礙關連嘅成本達到1470億美金，超過癌症、呼吸道疾病、艾滋[14]。
分類
[編輯]根據病徵有無影響心智來睇，分成思覺失調同神經症兩大類。
- 思覺失調，係指會影響思考、理解、感受嘅一類精神病，比如精神分裂症、躁鬱症、抑鬱症。有呢類精神病嘅人，對外部世界有異常嘅理解、感覺，呢啲異常嘅理解、感覺偏離咗現實，並且因此有唔尋常嘅反應、行動。呢啲反應、行動會令週遭旁人難以理解、接受，嚴重時呢啲行動可能會危害他人。
- 神經症，又叫精神官能症，係種唔影響思考、心智，但會影響日常生活、行爲嘅精神問題，比如轉化症、軀體化障礙、強迫症。
- 其餘嘅精神障礙仲有人格障礙、智能障礙（智力指數70以下，又叫精神遲滯、智力薄弱）、自閉症等。
而根據ICD-10嘅分類，精神疾病分爲11種類型，有器質性精神障礙、精神藥物引起嘅精神障礙（比如藥物依賴之類嘅物質關聯障礙）、精神分裂症、情感性精神障礙（比如抑鬱症同躁鬱症）、神經症及應激相關同埋身體形式嘅障礙（比如恐慌症、焦慮症）、生理紊亂及同軀體有關嘅行爲障礙（比如性功能障礙）、成人人格及行爲障礙、精神發育遲滯、心理發育障礙、起病於幼年嘅行爲及情緒障礙、未定類型。
法律定義
[編輯]中國大陸
[編輯]中國大陸《中華人民共和國精神衛生法》用嘅術語叫「精神障礙」，定義係：因爲各種原因引起嘅感知、情感、思維等精神活動嘅紊亂或異常，導致患者明顯噉心理痛苦，或者社會適應等功能損害。另外仲有術詞「嚴重精神障礙」，定義：症狀嚴重，令患者喺社會適應等功能損害嚴重，對自身健康狀況、客觀現實冇辦法完整認識，又或者唔能夠處理自身事務[15]。
香港
[編輯]香港《精神健康條例》用嘅術語叫「精神紊亂」，對應嘅英文叫mental disorder，涵括四種：一係精神病；二係智力上、社交能力上顯著減損嘅心智發育停頓或唔完全狀態，呢個狀態關連到異常侵略性、或者極唔負責任嘅行爲；三係精神病理障礙；四係唔屬弱智嘅任何精神失常，或者精神上無能[16]。
中華民國
[編輯]中華民國《精神衛生法》用嘅術語叫「精神疾病」，定義：指思考、情緒、知覺、認知、行爲等精神狀態表現異常，令佢適應生活嘅功能有障礙，需要醫療、照顧嘅疾病。範圍有精神病、精神官能症、酒癮、藥癮、仲有經中央主管機關認定嘅精神疾病（但唔包括反社會人格違常者）[17]。
韓國
[編輯]韓國現行《障礙人福祉法》同《精神保健法》，用嘅術語叫「精神的障礙」，分兩類：發達障礙同精神障礙[18]。
精神障礙嘅認證係：精神分裂（調絃病）、躁鬱症（兩極性情動障礙）、反覆性憂鬱障礙、憂鬱障礙嘅患者經過一年以上持續治療以後，完全冇好轉跡象，噉嘅情況認爲係精神障礙者。
發達障礙又分兩類：知的障礙、自閉性障礙。知的障礙即係：智能障礙，又叫精神遲滯、精神薄弱，智力指數喺70以下。自閉性障礙即係：自閉症。
流行程度
[編輯]
| <2200 2200-2400 2400-2600 2600-2800 2800-3000 3000-3200 | 3200-3400 3400-3600 3600-3800 3800–4000 4000–4200 >4200 |
精神疾病相當常見，全世界大部份國家，有三分之一嘅人喺成世人入面有過某個程度嘅心理病[19]。單喺美國，就有46%人有過某個程度嘅心理病[20]。
污名化及迫害
[編輯]精神疾病同其他嘅病一樣，都令患者好痛苦，但由於精神疾病會影響心智同行爲，令到社會隔離精神病人，歧視、侮辱佢哋，污名化咗精神病，甚至迫害精神病人。比如納粹曾經屠殺精神病患。
根據法國哲學家福柯嘅名作《癲狂與文明》，癲人曾經畀社會接納過，後來理性主義上升，社會唔再接納癲人，因爲癲狂視爲非理性，成爲理性主義鎮壓嘅對象，自此產生對精神病患嘅分隔、攻擊、污辱，於是產生癲狂院呢種機構，呢種機構同一般病院唔同。照常講，病人有權決定要唔要治療，喺醫院出入自如。但癲狂院當中，精神病患韞住曬，甚至強迫接受治療，病人無得話事。噉樣癲狂院與其話係醫療機構，不如話更似監倉。福柯認爲，癲狂院其實係社會鎮壓精神病患嘅暴力機構。
而喺法律上，精神病患定做無行爲能力嘅人，有監護宣告，所以喺法律上精神病患唔可以處理自己嘅財產，必須由監護人出面。
因爲社會對精神病嘅污名化，精神病成爲受政治攻擊嘅標籤，只要貼呢個標籤，就可以順理成章迫害、鎮壓唔畀社會接納嘅個人。因此精神病患嘅人權問題好突出。同時精神病嘅治療亦涉及到醫療倫理問題。
對精神病嘅污名化亦見於啲鬧人嘅話，比如「發神經」、「黐線」（或者寫做「痴線」）、「神經病」等等。
註
[編輯]- ↑ 個名當中嘅「精神」可以換成「心理」組詞。
攷
[編輯]- ↑ 军王 (2022)。〈系统认知治疗技术在精神分裂症患者临床心理护理中的应用分析〉。《国际护理与健康》。3 (4): 17–19。doi:10.37155/2717-5650-0304-7。ISSN 2717-5650。
- ↑ 〈失心疯的症状和精神分裂一样吗？为什么？〉。《知乎专栏》 (中文)。喺2023-07-03搵到。
{{cite web}}: CS1 maint: url-status (link) - ↑ https://www.chinesewords.org/dict/80722-766.html.
{{cite web}}: Missing or empty|title=(help)CS1 maint: url-status (link) - ↑ 野口悟司; 増田行雄; 楠本繁崇; 加藤貴充; 高階雅紀; 中田精三; 澤芳樹; 神谷勝弘; 中島仁、原崇之 (2006-10-01)。〈60.操作性及び安全性向上をめざしたコクピット型人工心肺装置の開発(第81回 日本医科器械学会大会 一般演題講演集)〉。JAPANES JOURNAL OF MEDICAL INSTRUMENTATION。76 (10): 642–643。doi:10.4286/ikakikaigaku.76.10_642。ISSN 0385-440X。
- ↑ View metadata, citation and similar papers at core.ac.uk.
{{cite journal}}: Cite journal requires|journal=(help); Missing or empty|title=(help) - ↑ Watson, Robert J.; Vernet, Thierry; Visentin, Louis P. (1985–05). "Relationships of the Col plasmids E2, E3, E4, E5, E6, and E7: Restriction mapping and colicin gene fusions". Plasmid. 13 (3): 205–210. doi:10.1016/0147-619x(85)90044-7. ISSN 0147-619X.
{{cite journal}}: CS1 maint: date format (link) - ↑ Ma, Yu-mei (2017-05-12)。〈中医护理强调的是心灵的力量〉。《国际护理研究》。5 (1): 5。doi:10.14725/gjnr.v5n1a1694。ISSN 2375-4664。
- ↑ Bacon-Shone, John; Bolton, Kingsley; Luke, Kang Kwong (2016-09-13). "Data from LANGUAGE USE, PROFICIENCY AND ATTITUDES IN HONG KONG". doi:10.5353/ds_dataset95133.
{{cite journal}}: Cite journal requires|journal=(help) - ↑ 〈認識情緒病 | CUHK〉。www.hmdc.cuhk.edu.hk。喺2023-07-24搵到。
- ↑ 10.0 10.1 10.2 世界衛生組織 (1992年)。《The ICD-10 Classification of Mental and Behavioural Disorders : Clinical descriptions and diagnostic guidelines (blue book)（精神、行爲紊亂嘅ICD-10分類：臨床描述及診斷指引藍皮書）》 (pdf)。世界衛生組織。
{{cite book}}: Invalid|ref=harv(help) - ↑ 美國精神醫學學會（American Psychiatric Association） (2000年)。《Diagnostic and Statistical Manual of Mental Disorders, Fourth Edition, Text Revision (DSM-IV-TR)（精神紊亂診斷及統計手冊，第四修訂版，DSM-IV-TR）》。ISBN 978-0890420256。
- ↑ 美國精神醫學學會 (1994年)。《Diagnostic and Statistical Manual of Mental Disorders, Fourth Edition (DSM-IV)（精神紊亂診斷及統計手冊，第四修訂版，DSM-IV）》。ISBN 978-0890420614。
- ↑ 13.0 13.1 世界衛生組織2004，Key messages。
- ↑ 14.0 14.1 14.2 世界衛生組織2004，Introduction。
- ↑ 〈中華人民共和國精神衛生法〉。《中華人民共和國中央人民政府》。2012年10月26號。原著喺2016年6月4號歸檔。喺2017年12月20號搵到。
- ↑ 〈第136章《精神健康條例》第2條 釋義〉。《香港條例》。原著喺2020年3月28號歸檔。喺2017年12月20號搵到。
- ↑ 〈精神衛生法〉。《法源法律網》。喺2017年12月20號搵到。
- ↑ 《障礙人福祉法》第2條，外加《施行規則》第2條第2項嘅規定。依據係《障礙等級判定基準》（韓國保健福祉部告示第2012-60號）。
- ↑ "Cross-national comparisons of the prevalences and correlates of mental disorders. WHO International Consortium in Psychiatric Epidemiology". Bulletin of the World Health Organization. 78 (4): 413–26. 2000. doi:10.1590/S0042-96862000000400003. PMC 2560724. PMID 10885160.
{{cite journal}}: Unknown parameter|doi_brokendate=ignored (|doi-broken-date=suggested) (help) - ↑ Kessler, Ronald C.; Berglund, P; Demler, O; Jin, R; Merikangas, KR; Walters, EE (2005). "Lifetime Prevalence and Age-of-Onset Distributions of DSM-IV Disorders in the National Comorbidity Survey Replication". Archives of General Psychiatry. 62 (6): 593–602. doi:10.1001/archpsyc.62.6.593. PMID 15939837.