Talk:重慶

重慶係篇正文；佢或以前嘅版本，維基社羣公認嘅最好嘅文之一。請繼續放膽改善同加新料。

2017年12月9號

正文候選

升格

建議將「旅遊」一章搬去維基遊埠

全部搬或者部份搬都得，或者加啲指向維基遊埠嘅鏈接都得。主要都係想𢽴下粵維遊埠嘅文章數。【粵語文學大使殘陽孤侠】支持全面中止IP用戶編輯權 2016年2月8號 (一) 18:16 (UTC)[回覆]

查過遊埠，呢版有咗，要擴寫嘅，複製過去黐落遊埠都得。广州阿沾 (傾偈) 2016年2月9號 (二) 02:51 (UTC)[回覆]

我用咗{{維基遊埠}}呢個模，但似乎指唔到菢膥機嗰處，我暫時指去英文版先，到時睇下點指去粵文遊埠。广州阿沾 (傾偈) 2016年2月9號 (二) 02:51 (UTC)[回覆]

據我所知知需要加詞頭「:incubator:Wy/yue/」就可以指去菢膥機。【粵語文學大使殘陽孤侠】支持全面中止IP用戶編輯權 2016年2月9號 (二) 05:00 (UTC)[回覆]

而家连咗过去喇。广州阿沾 (傾偈) 2016年2月10號 (三) 16:21 (UTC)[回覆]

有無必要加韓文？

雖然係韓國政府嘅臨時首都啫，但既然都話咗係「臨時」咯，噉就唔係正式㗎啦，而且韓國臨時政府作爲流亡政府佢換過好多處駐地，而且基本上喺中國嘅，如果呢啲地方都當做曬韓國人嘅「故都」，真係未免太過奇怪，有種唔知畀讀者一種點樣嘅觀感嘅感覺……

而且上面注嘅韓文係現代韓文，臨時政府時期嘅韓文唔係噉嘅樣，嗰陣時未實行諺文（韓字）專用，所以實際上作爲漢字詞係直接寫漢字，讀音係讀韓文嘅漢字音，按漢字音拼寫係중경，文觀部式轉寫Junggyeong。現代韓文基本純表音，而且中國漢族地區地名按普通話拼寫……（講個好POV嘅說話，我一直覺得而家嘅韓文非常之折墮），所以而家注嘅충칭（轉寫：Chungching，即普通話Chongqing）同臨時政府時期嘅韓文對唔上。

總之，我覺得作爲外國嘅臨時首都的確幾光榮，但佢始終係臨時而唔係永久、法定，就算要加註流亡政府嘅官方語言，我認爲都應該僅限當下佢確實駐喺嗰度（如西藏流亡政府駐地沙蘭達坂就可以加註藏文），佢一走，嗰啲城市唔係佢嘅領土，就應該歸返本國。--S7w4j9 (傾偈) 2016年2月10號 (三) 14:04 (UTC)[回覆]

卒之都問到呢個問題喇。預咗嘅。關於重慶嘅韓文，多謝尊兄指教，學到嘢喇（其實外文呢家嘢，除咗英文，我都未點瞭解過。專業同愛好都唔喺呢方面，如果我之後喺呢方面錯咗，愿賜教）。「충칭」只不過係我查返來嘅（原來係「중경」...假如標嘅話唔知係咪噉：「韓文：重慶중 경^(Junggyeong)」）。當初諗住話，咦噫，重慶都做到韓國臨時政府首都，幾威水下，噉就標咗個韓文上去。而家閣下一講，我再諗諗下又係，似乎又怪怪哋。又覺得韓文撤走好啲。因爲如果「臨時政府時期嘅韓文」係「直接寫漢字」，噉似乎標同唔標韓文無咩差別。再者，既然重慶作爲韓臨時政府駐地經已成咗歷史（如你所講，經已唔係佢領土），重係臨時嘅㖭，而家亦無乜韓國人住響處。噉現時嘅話就先撤走韓文。加返原先標嘅客家話，因爲我喺重慶住過一排，瞭解到重慶都有唔少嘅客家人，加返客家話先。講開又講，而家篇嘢都喺道慢慢執緊、補充緊。多謝閣下過目，篇嘢如果有其它問題都可以指出。 --广州阿沾 (傾偈) 2016年2月10號 (三) 15:43 (UTC)[回覆]

若果真係標嘅話確實係噉標，但可能重需要加多個現代韓文寫法，因爲某啲民族主義情緒嚴重嘅韓國人會覺得漢字係外來文字（所以點解會有韓文嘅「文字戰爭」:-)）。

話無差別唔係嘅，因爲嚴格講起韓國漢字嘅字型係唔同於中文漢字，呢點好多人唔會發覺，但查實就連簡繁中文相同嘅字都有字型差別，比如所謂「月字旁」，簡化字寫到好似「月」噉，但深筆字其實係「肉」嘅變形，叫「提肉旁」，「月」嘅內部，係一點一剔，而非兩橫。同樣韓國漢字有佢自身嘅標準筆畫、筆順、字型。

至於客家話，據我所知，佢內部口音非常之多樣，現時客家話維基百科嘅白話字主要係記臺灣客家話嘅口音，我去問一個惠州嘅客家朋友，畀佢睇「Chûng-koet」，嗌佢估下對出嘅漢字，佢估唔到，然後我話係「中國」，佢話啲咩音來㗎，唔係應該拼成「Chung-kok」之類嘅咩？我就話，「國」kok發成koet，係臺灣客家話，唔係佢嘅惠州客家話。我知道重慶係有客家族羣，但唔建議直接用嗰個拼音字，最好查下當地客家人嘅發音，用音標或者白話字寫出。實在無辦法，唯有刪走，我覺得唔標好過標錯。--S7w4j9 (傾偈) 2016年2月10號 (三) 17:24 (UTC)[回覆]

我講無乜差別係就「重慶」兩字而言。（至於中文漢字都有差異我明，要查字典比如話你講嘅「月（提肉旁）」，就要查《玉篇》（宋朝大廣益會本）卷六嘅肉部。關於中文漢字標準尚有「爲、為」、「衞、衛」寫法嘅爭詏。講句丑話，考究呢啲我硬係覺得有少少「文字獄遺風」）。嗰個「Tshùng-khin」亦係據中、英維挖出來，唔係我原創（講開又講，查實呢道好多音都唔係我標嘅，有時見有啲音標錯順手執正下。）。客家話嘅地方口音差異緊會有（我喺重慶主城區住，嗰頭客家人少啲，週邊區縣可能會多些少，所以我無乜機會接觸嗰邊嘅客家人，佢哋個口音點真係唔知。）。莫講客家話地方口音差異，官話都有㗎（諗返起當初去重慶住，佢哋講啲西南官話我一句都聽唔明。我用普通話問佢，佢重係用返重慶話答，一嚿雲。問多幾個人，又係噉，盞嘥氣。嗰時就唔會仇視普通話，反而覺得應該「推普」:) 當時惟有周圍去請教人。而家我先算話係聽得明西南官話，重識得講返幾句）。「唔標好過標錯」，我讚同。寫得百科就要嚴謹啲。既然未知嗰邊客家音點讀，噉就剷咗佢先。广州阿沾 (傾偈) 2016年2月11號 (四) 01:48 (UTC)[回覆]

文字獄？唔會啩，我覺得噉講有少少誇囉，因爲文字獄在於強制，我哋粵維係講用字自由，用邊個標準都係各家隨各便，開個跳轉話咁易，但係該考究就應該考究，涉及到佢嘅嗰版，人哋有個字型問題，用模來顯示出，噉本身係種嚴謹。中維都有類似規定㗎～中維有個項目係做漢字文化圈嘅，我同項目成員有來往，佢哋都強調中文以外嘅漢字字型、正俗體問題。呢個係對他國語言嘅尊重，所以唔應該將中文字型標準加喺呢啲外文身上。

對於中英維基嘅客家白話字，有可能係複製自客家維基。鑑於客維發展得唔係好聚人氣，再諗下當年維基百科回應「塗鴉公廁論」就話「更多雙眼會發現更多錯誤」，維基百科內容質量係靠社羣規模、活躍度來限定，對於重慶客家話係咪真係噉讀噉拼真係打番十二個問號。（又係好POV嘅說話啦，點解客維發展唔起身，拼音喎，揀邊個做標準㗎？學界揀梅州做客家話代表點，但實際上強勢口音係惠州。而家客維玩成咗臺灣嗰班人嘅維基，拒斥廣東呢個全球客家嘅大本營，試問點發展呢？更莫講川渝客家呢個咁邊緣嘅客家群體嘞。）

關於官話口音，冇錯，呢個同樣都係有能力、有證據，儘量標上。普通話大過天喎，點都唔應承，同樣粵地各地嘅地名方音，儘量標註，而唔係省城話騎曬膊馬。講起川渝人嘅母語自豪，我喺四川都見識過，無嘢嘅，佢哋對外來人無惡意㗎，佢哋覺得「你都聽得明咯」「乜我唔係講緊普通話咩？」，純粹係噉樣。我覺得幾好啊，畢竟我哋係外來人啊嘛，就你係客氣，唔就係正常，主客之間本來係噉樣。喺四川嘅時日都慢慢識聽少少，最後可以模仿啲聲氣出來，雖然我唔知字音啱唔啱。--S7w4j9 (傾偈) 2016年2月11號 (四) 08:18 (UTC)[回覆]