Talk:錦麗

有無人會叫「賀錦麗」做「錦麗」㗎？

有無人會叫「賀錦麗」做「錦麗」㗎？Google「錦麗」頭幾版結果都係講越南河粉舖，個搞清楚版好似有啲夾硬喎。如果有人寫間越南河粉舖，根本可以直接用錦麗個標題。--Rainpong (傾偈) 2021年11月10號 (三) 11:46 (UTC)

就算唔計譯名賀錦麗，另一個張錦麗都係佢個姓名嘅一部份，如果唔帶姓嘅中文名都可以開搞清楚版，最應該開版嘅應該係「嘉欣」。所以不如正正經經寫食肆文好過。--Mikedou (傾偈) 2021年11月12號 (五) 11:33 (UTC)

@Detective Akai、Rainpong、Mikedou、Kowlooner：類似嘅問題，可以睇下暫時未開版嘅「俊傑」，我過隔離維基揾「俊傑」，佢出咗成10幾個人物文章名包含「俊傑」一字嘅結果，如果「錦麗」呢個做法係行得通，咁係咪其他人物名有一樣嘅名都係可以全數咁開呢？特克斯特 (傾偈) 2021年11月12號 (五) 21:27 (UTC)

@特克斯特：唔支持呢個做法，因為咁會帶嚟好多問題，就要開好多版關於人名嘅搞清楚，粵維未必應付到。加上都唔係太多人叫「錦麗」，比較出名就係美國副總統賀錦麗，唔洗得登開過一版啦。 Akai 博士 (傾偈) 2021年11月13號 (六) 02:02 (UTC)

多謝各位踴躍畀意見，得出嘅共識係呢個名根本無需要開搞清楚，而原先嘅搞清楚版已被改寫成越南河粉舖。 --Rainpong (傾偈) 2021年11月13號 (六) 11:06 (UTC)

雖然呢單嘢無乜爭議，共識都好明顯，但既然我被ping，都講兩句啦。Universehk開搞清楚嘅原因估計係跟中文維基「zh:錦麗」去開，但佢無諗過中文維基嘅做法唔一定啱，因為根本無人會齋用「錦麗」兩個字去稱呼嗰兩個人。而家粵文維基已經撥亂反正，中文維基嘅就唔輪到我哋理。--Kowlooner (傾偈) 2021年11月14號 (日) 11:41 (UTC)