Talk:首都
雖然好多首都都係「先成為經濟文化中心再成為政治首都嘅」，但係亦有大把多首都唔係。譬如渥太華同華盛頓喺成為首都之前就唔係經濟文化中心。加拿大（包括前英屬北美）當時有兩個經濟文化中心，分別係英文區嘅多倫多同法文區嘅滿地可，兩個地方都想做首都，最後為徂平息爭端（再考慮埋其他重要因素）先揀徂英法兩區邊境嘅渥太華。而美國當時同樣係紐約同費城爭緊做首都，為徂平息爭端先建立徂哥倫比亞特區作為首都。
講到倫敦就要澄清下：當年嘅經濟文化中心係倫敦市，但係英國王室一路都怕倫敦市嘅自治權太大，所以將權力中心設徂喺倫敦市出面嘅西敏市。今日英國由白金漢宮到西敏宮再到西敏寺再到聯合王國最高法院等最高權力機構都係喺西敏市而唔係喺倫敦市。講到俄羅斯，莫斯科的確係政治文化中心，但係歷史上另一個首都聖彼得堡喺建立之前就乜嘢中心都唔係。【粵語文學大使殘陽孤侠】熱烈慶祝粵維超過兩個月無鷄屎！ 2016年12月25號 (日) 19:32 (UTC)