Talk:香港中學文憑考試

用拆文去解決爭議

IP友話「文憑」同「文憑試」有分別，Pokman817就話呢篇文講嘅係公開考試，兩位人兄都無錯。我建議將呢篇文拆開，呢篇文多數內容拆去香港中學文憑考試（Hong Kong Diploma of Secondary Education Examination），專講公開考試；而香港中學文憑（Hong Kong Diploma of Secondary Education）就集中講資歷方面嘅內容。唔知大家有無異議呢？--Espotono (傾偈) 2017年6月9號 (五) 04:37 (UTC)

「香港中學文憑」係個考試名，同舊制嘅「香港中學會考」同「香港高級程度會考」一樣都係個考試名。以前香港人口講考香港中學會考通常叫「考會考」，考香港高級程度會考大部分人叫「考A-Level」，而家考香港中學文憑大部分人叫「考DSE」或「考文憑試」，好少人叫「考文憑」。之前香港中學會考最少有一科F先會有證書，全部UNCL就只有成績單，而家香港中學文憑考都係最少一科1級或達標先會有張文憑，全部「不予評級」（Unclassified）/「未達標」（Unattained）/「未獲級別」（Ungraded）都係只有成績單。Pokman817 (傾偈) 2017年6月9號 (五) 05:42 (UTC)

「香港中學文憑」係咪真係考試名呢？如果係，「香港中學文憑考試」（"香港中學文憑考試"）個意思咪重覆咗囉。重有Pokman817都話，考香港中學文憑叫「考文憑試」，好少人叫「考文憑」，反而引證咗「文憑」唔係考試名，「文憑試」先至係。雖然確實有唔少人將「香港中學文憑考試」簡稱做「香港中學文憑」，但唔可以否認考試正式名係「香港中學文憑考試」。所以，我覺得未必需要搞到拆文咁複雜，只需要講清楚考試正式名係「香港中學文憑考試」就得。--Kowlooner (傾偈) 2017年6月11號 (日) 13:50 (UTC)

搬版後應該滿足到爭議雙方嘅論據，而家唔拆文都無所謂。--Espotono (傾偈) 2017年6月12號 (一) 05:17 (UTC)