Talk:日本鐵道

建議改名做日本國營鐵路或JR (日本)

JR兩個字母喺粵語區入面冇邊個特別出名。即使係韓文或日文嗰邊講嚫JR，凈得日本仔或南韓佬知。如果放喺粵語，JR有好多個事物，點解要日本中心？建議搬去日本國營鐵路或JR (日本)。--WKDx417 (傾偈) 2015年8月22號 (六) 22:49 (UTC)

即係噉，粵語區入面有邊個JR係開得文之餘又拍得住JR = Japan Railways咁出名呢？（唔好將兩廣人同港澳人嘅諗法劃上等號）至少我以前玩玩具已經接觸到。如果你答唔出就唔好搬。

唔好意思，我哋珠三角嗰邊冇JR嘅玩具屋，細個嗰時啲玩具好多都係解放牌，即使有進口牌子都唔多。我讀中學同大學嗰時去過好多大商場，雖然出現咗好多進口嘅火車玩具，但好多都喺美國出，而類似JR個樣嘅列車，都係國產品種，我哋嗰邊叫「和諧號」。即使係天河城、中華廣場、正佳、流行前線、動漫城、北京路、上下九、西城都薈、五月花都冇呢啲JR玩具舖。即使係LEGO都冇出過呢啲系列，唔信嘅去廣百嘅9樓、北京路天河城百貨嘅8樓玩具城問下。（請勿發動粵港矛盾事端）--WKDx417 (傾偈) 2015年8月23號 (日) 05:56 (UTC)

重有，你話JR = Japan Railways係「日本中心」嘅，又唔見你去國維提出同一個搬文要求？國維要兼顧所有用中文嘅區，要開搞清楚頁嘅情況點都比呢度多，嗰邊JR開咗9年搬都冇搬過，點解呢邊要搬先呢？啲廣州馬路文又係，呢度嗰啲好多後面有「 (xxxx)」嘅，去到國維咪都係冇「 (xxxx)」又冇開搞清楚頁，又唔見你搞咁多？不過都唔夠你搞嗰個en:Kowloon Station咁無謂囉（自己睇返Talk:九龍站 (香港)#會唔會有少少矯枉過正？啦）。SC96 (傾偈) 2015年8月23號 (日) 01:52 (UTC)

啲廣州馬路文又係，呢度嗰啲好多後面有「(xxxx)」嘅——我先發表下我嘅睇法（呢個問題保證SC96睇到眼都冤），因為我主要查過地圖同相關嘅搜索，中國內地的确好多條馬路都有重名（先拋開人民路、解放路、工業大道、江南大道、中山大道、中山路、東風路呢啲熱門嘅馬路名，我去過搜索，興華路、康樂路、文明路同文德路、北京路、教育路、紅星路，重有好多好多至少有2個城市有一樣嘅馬路名或一個城市入面出現至少2個同名馬路嘅情況……【舉例到天光都未數得嗮，我等為珠三角地區嘅地點爭取粵語生存空間】。唔係嘅話我都唔使開咁多版）。而中文維基之所以冇開咁多版，係因為嗰邊受到GFW嘅干擾，好多大陸仔都上唔到，加上文章比較少大陸仔發佈。--WKDx417 (傾偈) 2015年8月23號 (日) 05:56 (UTC)

拋開地域中心嘅問題，今次我會支持改名，不過我嘅理由就會係「有粵語名用粵語名，無粵語名用中文名，兩樣都無先再用外文名」。至於改焉個名，我建議用「日本鐵道」，因為「日本國有鐵道」係JR嘅前身。另外我記得：JR可以指美國NBA球員J·R·史密夫，不過佢喺粵語區幾出名我就唔知嘞。【粵語文學大使殘陽孤侠】支持全面中止IP用戶編輯權 2015年8月23號 (日) 04:13 (UTC)

支持用「日本鐵道」。--WKDx417 (傾偈) 2015年8月23號 (日) 07:27 (UTC)

「JR」除咗Japan Railways之外，其他嘢出名程度始終比唔上佢。就算呢篇文真係改名，JR都應該要跳轉到呢篇文，搞清楚版只能放JR (搞清楚)。--Kowlooner (傾偈) 2015年8月23號 (日) 12:02 (UTC)

Kowlooner嘅改跳轉意見我都反對反對Kowlooner嘅跳轉意見（但Japan Railways除外），人哋美國NBA球員J·R·史密夫簡稱都叫JR，近幾年由於媒體好似劉翔噉，猛咁報佢做JR，加上又攞過NBA明星選秀MVP。另外，喺wikidata大多數都係直接用JR做搞清楚版，包括英文維基在內。--WKDx417 (傾偈) 2015年8月23號 (日) 23:22 (UTC)

喂，大佬，Kowlooner又唔係發瘟鷄，使唔使下下都搞到「凡係某人嘅編輯我都反對」恁啊？同你講段古哩：三年困難時期，原本劉少奇、鄧小平等一大批共產黨高層都支持搞包幹到戶來提高糧食產量嘅，但係最後都係搞唔起身。點解呢？就係因為毛柒東一個人一意孤行，打著「防止資本主義復辟」嘅旗號來反對包幹到戶，搞到原本可以提早結束嘅困難時期又拖徂好耐先至結束到。好話唔好聽，宜家你嘅做法同當年毛柒東嘅做法真係相似到太驚人，下下都話「連招呼都唔打聲」，又逳乜逳都「反對爾個」、「反擊嗰個」。大佬，你估除徂你之外個個都係學似啲IP黨恁，得閒無事來維基屌屌揈嘅咩？又唔係敵我矛盾，一時一時讓下步唔死得人卦？【粵語文學大使殘陽孤侠】支持全面中止IP用戶編輯權 2015年8月24號 (一) 00:26 (UTC)

好心你喇，加上我近排冇講過反擊。你話嗰啲IP黨搗亂，一早俾我睇唔過眼喇（例如啱啱出嘅呢篇，連討論頁都有埋嗮啲冇用嘅字符，你話眼唔眼火爆？）。而毛澤東嗰時係因為驚住又嚟打仗（乜鬼佬主義入侵中國）而先搞閉關政策，但佢做咗唔少出名嘅貢獻而俾好多人贊，直到佢死咗之後2年先至改革開放。你都唔想粵維太過香港化下話？搞到香港好似學中國內地舊時噉閉關自守……--WKDx417 (傾偈) 2015年8月24號 (一) 01:05 (UTC)

我都係見到你話「Kowlooner嘅改跳轉意見我都反對」我先至忍唔住爆發嗟。Kowlooner點講都唔係IP黨或者發瘟鷄，點都唔應該凡係佢提嘅意見都反對。【粵語文學大使殘陽孤侠】支持全面中止IP用戶編輯權 2015年8月24號 (一) 19:53 (UTC)

噉我改下講法喇。--WKDx417 (傾偈) 2015年8月24號 (一) 22:56 (UTC)

解決

雖然上邊啲人講話JR係咪改跳轉嘅問題，但大家都有份講到搬去日本鐵道。所以標題直接搬去日本鐵道。而JR留返開搞清楚喇，畢竟而家NBA嗰個JR好出名，喺粵語區同日本鐵道可以平起平坐。--WKDx417 (傾偈) 2015年8月29號 (六) 23:37 (UTC)