Template:是日靚畫/2012/01/11
|
內伶仃，亦都叫內伶仃島，原本就咁叫伶仃島、伶仃、零丁山等，係伶仃洋上面一個島。佢響香港屯門爛角嘴西便，深圳赤灣同蛇口東南。個島歸深圳南山蛇口管，不過曾經同珠海有爭議。史上內仱仃係去廣州嘅水道，內伶仃、爛角嘴同埋后海灣洋面係船聚集嘅地方。內伶仃向面行，穿過伶仃洋就遇到另一個島，係珠海嘅淇澳。史上個島歸屯門鎮管，所以文獻上嘅屯門島，有可能指內伶仃。 屈大均係《廣東新語》度提過，赤灣附近零零丁丁有個山（島），所以叫零丁山，所以連海都叫做零丁洋。零丁山將零丁洋分兩邊，東面係內則，比較細，叫小零丁洋，而西便係外則，比較大，叫大零丁洋。小零丁洋即係香港新界到內伶仃嘅洋面，而大零丁洋即係內伶仃到淇澳嘅洋面。 外伶仃離內伶仃好遠，響香港長洲南面。 |