Template talk:超短文

出自維基百科,自由嘅百科全書
跳去導覽 跳去搵嘢

有關由50B改成50字門檻嘅改動[編輯]

留意到呢個模對「超短文」門檻由50B改成50字。我都唔否認50B個門檻好鬆,但如果一下子提高到50字,可能有啲太過進取。粵維有好多文雖然有基本定義,但未必夠50字。用「是但一版」睇十篇文,總有兩三篇過唔到50字,換個講法就係如果要嚴格執行「唔夠50字超過一個月就要刪」,可能有近萬篇文都要刪。

超短文「50字嘅門檻」同埋「一個月無改善就刪」完全係中文維基嘅作風。英文維基超短文政策雖然而家唔再執行,但仍然可以睇到嗰時嘅規定:英文維基並無硬性規定話過唔到某個字數超過一個月就要刪,同刪文有關嘅規定就只係話"If the content is totally redundant and trivial, you may mark it for speedy deletion; If you're not so sure, list it on Articles for deletion."。就連粵文維基嘅Wikipedia:超短文指引,都無對超短文字數有明文要求,處理方式亦只提到掛呢個模,無話一定要去提刪。

呢度唔係中文維基嘅粵文版,唔一定要死跟中文維基嘅規矩。希望可以討論下一個適合粵文維基實際情況嘅「超短文」門檻同處理手法。--Jason6698 (傾偈) 2017年10月19號 (四) 14:30 (UTC)回覆[回覆]

  • 唔係話唔夠50字就一定要刪,而係嗰篇文嘅內容太過空泛,冇乜實際內容,太耐冇改善先會刪,字數都只係參考。呢度冇跟中文維基嘅規矩,其實我都唔係好鍾意中文維基某啲規矩。Pokman817 (傾偈) 2017年10月19號 (四) 15:58 (UTC)回覆[回覆]
    • 我擔心嘅情況終於出現。有IP人真係將一啲有基本定義但未夠50字嘅文掛呢個模。而且個模嘅一個月時限,「中文維基味」真係好濃。所以容許我將個模嘅內容改得溫和少少。--Jason6698 (傾偈) 2017年10月28號 (六) 11:29 (UTC)回覆[回覆]