Template talk:Lang-ko
建議加入名嘅轉換[編輯]
現時韓文／朝鮮文有三套標準，分別係南韓標準語、北朝鮮文化語、中國朝鮮文。喺具體嘅民族稱呼、國號上，南韓將佢嘅國家稱呼爲「大韓」（대한），亦即「韓國」（한국），民族名叫「韓民族」（한민족）；北朝鮮則稱呼國號爲「朝鮮」（조선），而民族稱呼爲「朝鮮民族」（조선민족）。由於民族稱呼唔同，對自身嘅話嘅稱呼亦唔同，一個叫「韓國語」（한국어），一個叫「朝鮮話」（조선말）。
就算有朝一日，半島南北統一，假使係韓國統一北方，亦都重有中國嘅朝鮮族。喺可以遇見嘅時間內，中國都唔會接受「韓族」嘅稱呼，呢個法定民族嘅名會長期保持住叫朝鮮族，相對應，佢嘅語種會係叫「朝鮮語」，而且點樣都好中國朝鮮文有自己嘅拼寫標準，同南韓唔同。
所以建議加入名嘅轉換，一來講清楚係邊個拼寫標準；二來亦係爲咗表示中立——呢個涉及到朝鮮半島問題，亦即一個國家有兩個政權，各自宣稱係唯一合法政府，同中國唔同在於，呢兩個政權嘅國號、族名、語種名都係有唔同主張，政治問題最好唔踹綫；三來亦係貼切返現實上嘅稱呼。
我嘅設想係用switch語法，指定三個代號：南／韓、北／朝、中。其中填南或韓會睇出字「韓文」，填北或朝會睇出字「朝鮮文」，填中會睇出字「中國朝鮮文」。然後設置默認狀態爲「韓文」。點樣？--S7w4j9 (傾偈) 2016年6月3號 (五) 08:56 (UTC)