User:Xwhitec/馬其頓命名爭議

馬其頓地區嘅地理同政治邊境

  現代馬其頓地區定義

  古馬其頓王國

  北馬其頓

  希臘馬其頓尼亞

馬其頓命名爭議maa5 kei4 deon6 ming6 ming4 zang1 ji5（馬其頓文：Спор за името помеѓу Македонија и Грција；希臘文：Μακεδονικό ονοματολογικό ζήτημα）係指一個希臘同馬其頓共和國（現北馬其頓）關於後者國名嘅爭議，1991 年馬其頓共和國由南斯拉夫獨立開始，2019 年結束。呢場爭議困擾坡勤半島多年，25 年嚟係當地唔穩定嘅其中一個根源，喺南斯拉夫時期已經存在，但係喺南斯拉夫解體馬其頓共和國獨立嗰陣再次點燃。

呢場爭議環繞住馬其頓共和國、鄰近屬希臘嘅馬其頓尼亞大區同古希臘嘅馬其頓王國嘅命名混淆。希臘政府因此反對馬其頓共和國淨叫「馬其頓」。希臘仲以住喺希臘馬其頓尼亞嘅馬其頓人同住喺馬其頓共和國嘅馬其頓人係兩種唔同嘅民族嘅原因而進一步反對馬其頓共和國嘅語言同民族淨叫做「馬其頓文」同「馬其頓人」，批評馬其頓共和國提倡馬其頓民族統一主義。希臘亦指控馬其頓共和國盜竊希臘嘅文化象徵，例如維吉納之星同亞歷山大大帝。