Wikipedia:半保護政策

出自維基百科,自由嘅百科全書
Jump to navigation Jump to search

半保護政策係用嚟防止匿名用戶同註冊少過四日同編輯少過十次嘅用戶編輯受半保護嘅頁。

半保護政策只以可用嚟保護受到嚴重破壞嘅頁,呢個政策唔係用嚟保護具有爭議嘅頁,因為咁樣會限制咗部份使用者嘅編輯自由。管理員響執行呢個政策時應保持同執行完全保護政策時同一樣嘅要求,無論係由佢哋自己話事定係由其他頁要求嘅,譬如請求管理員幫手請求保護頁面或者其他類似嘅頁。

半保護政策只係用響回應嗰啲已經證實嘅嚴重破壞,而唔係用嚟預防可能會發生嘅破壞,譬如頁面最近受到關注令到編輯量突然大增,又或者頁面因為畀某啲熱門網頁連過嚟而編輯量大增。只有確實證據證明嘅嚴重破壞先至可以用半保護政策。

管理員注意:呢個政策應該係最後手段,響冇其他方法防止嗰個頁面被嚴重破壞嘅情況先至可以用,好似完全保護政策咁。