Wikipedia:放膽修改、打回頭、討論循環
 | 呢篇文唔算正式政策同指引，只係為Wikipedia:共識同Wikipedia:放膽呢兩版嘅內容做輔助說明。 |
 | 一句講嗮：維基百科鼓勵放膽修改，因為噉做可以改善文章或引發討論。如果你嘅修改畀人打回頭，唔好打返轉頭，而係應該同打回頭嗰位維基友傾下。 |
放膽修改、打回頭、討論循環（BOLD, revert, discuss cycle，簡稱BRD）係尋求共識嘅其中一種方法。呢個過程唔係政策訂立要求嘅，但係可能有助識別矛盾、促進討論同化解僵局。有啲人可能會將畀人打回頭睇成對自己嘅挑戰，所以請保持謹慎同耐心。
放膽修改係維基百科嘅原則之一。我哋歡迎所有編者作正面有益嘅貢獻，因為新嘅資訊就係靠噉樣加落維基百科度嘅。唔肯定改唔改好？放膽去改啦！一係會吸引到其他有興趣嘅維基友過嚟，一係你噉就改善咗篇文，點都係好事。