知識表示（Knowledge representation）係認知科學同人工智能等領域當中一個課題。一個知識表示係指一個心靈（無論係人類嘅定係人工智能）內部點樣表示有關「周圍世界點運作」嘅資訊，以及點樣用呢啲資訊對事物作出判斷同預測。對知識表示嘅研究有相當嘅跨學科性：呢個領域會參考心理學同神經科學嘅研究，尤其係有關「人腦點做知識表示」嘅研究，然後人工智能領域嘅研究者就會按呢啲知識，嘗試製作出能夠好似人噉做知識表示嘅電腦系統。
