中國朝代係指自禹響公元前 2070 年建立夏朝到公元 1912 年宣統帝退位清朝滅亡為止，喺中國史上由家族以君主制實施世襲統治嘅政權同相應嘅歷史時期。中國史上有好多通過世襲統治嘅君主制政權，有啲時期得一個大一統王朝統治緊中國，而其他時期就有多個王朝同時存在。著名嘅中國王朝有秦朝、漢朝、唐朝、宋朝、明朝、清朝等。延續時間最耐嘅中國王朝係周朝，一共存在咗 789 年；統治疆域最遼闊嘅中國王朝係元朝或者清朝，根據唔同嘅材料得到唔同嘅領土面積。
