YBC 7289 係一塊巴比倫泥板，出名在佢上面寫住六十進制入面開方2嘅約略數值。開方2係一個正方形邊長同對角線長度嘅比例，係數學入面基礎而重要嘅一個常數。刻住嘅數字換轉返做10進制嘅話準確度去到6個小數位，被譽為「現時已知古代世界最準嘅運算」。呢塊泥板相信係公元前1800至1600年間南美索不達米亞一個學生嘅作品。J. P. 摩根將佢捐咗畀耶魯巴比倫藏品系列。
