Wikipedia:避免地域中心

地域中心或大一統中心，係一般朋友都好易觸犯嘅問題，週時大家都唔易察覺。譬如家陣嘅粵語維基百科用家大多係中文圈、粵文圈人士，雖然身處嘅地方都唔一樣，不過亦好易就唔自覺噉變得以自己所在嘅地區為中心，令到文章內容覆蓋得唔平衡，一啲嘢多一啲嘢少得滯。啫係話睇落去好似係客觀嘅嘢噉，但係可能已經包括咗主觀嘅嘢，而呢個咁啱違反咗維基百科中立觀點規定。

另外夾埋中文維基百科同官話用家嘅影響力，喺粵文維基百科度，有大機率會出現大一統中心，相比起粵文圈內部嘅唔同中心觀點，由於政治實體同語言群體壓倒性等嘅因素，係會有更大潛在風險。所以喺本地進行編輯嗰陣，應該優先避免大一統中心嘅情況，同時相互理解粵文內部、中文圈內部同中文以外嘅唔同文化圈，盡量避免單一中心嘅情況，令編輯嘅內容可以跨文化圈有多樣嘅觀點，聯繫世界唔同背景嘅視野。

呢度係「粵文」維基百科

維基百科本身係屬一個跨全球嘅組織計畫，所以每個語言都有機會有佢自己嘅維基百科全書，但係一定要注意：佢哋只係根據語言嚟分，而唔係根據某啲政治實體或某啲地域嚟分。所以粵語維基服務嘅對象係全球各處每一個接觸得到粵語嘅使用者，而唔係只係服務中華人民共和國、中華民國所支持嘅，或由呢啲實體所管轄地區嘅用戶。

啫係話啲用家，假定係熟粵文嘅，而用粵語維基平台所寫嘅嘢，未必同佢自己所處嘅政治實體、受管轄地區或差唔多冇幾遠地區嘅知識、認知、觀點意見等係必然一致或有聯繫；假定係唔熟粵文嘅，而用粵語維基平台所寫嘅嘢，同佢自己所處嘅政治實體、受管轄地區或差唔多冇幾遠地區嘅知識、認知、觀點意見等相當一致或有聯繫，建議分辨返啲所編寫嘅內容觀點等係咪合理咁講述咗唔同嘅知識、認知、觀點意見——如果係有大比數屬於大一統中心嘅成分、或者其他文化圈中心嘅成分，含有政治宣傳同統戰等問題而違反中立等一般規例，其它地區嘅用戶同睇呢篇文睇到呢啲帶有「大一統中心」嘅內容，就會係可能混亂不解、甚至乎引起其他嘅爭議。

大一統嘅中心問題舉例

以大一統中心嚟講，本身係先會同官話中心最埋堆，之不過喺中國大陸（粵）地區，由於政治實體同大一統文化等嘅強烈影響，同本地文化中心某啲時候都會互成表裡、相互聯繫，仲先僭奪埋地域內部嘅核心意思。

就搵返實際，似現時嘅中華人民共和國廣東省管轄地區入邊嘅，好似係番禺、順德、四邑、潮州、客家、粵西等地，雖然唔同程度上佢哋都有各自嘅地區中心實際，但係實際就會係唔一定埋堆返到廣東中心。因為上述啲廣東省內地區除咗個細嘅身份認同外，反為係會優先中國中心嘅認知架構，即大一統中心嘅意識會凌駕得仲交關，可能會噉嚟諗：

「大家都係中國人，仲係講官話最好，證明大家身份平等（自認唔會有口音同方言問題）」，「而家你啲正統（正音）廣州/佛山/香港佬就係認自己最正路，睇唔起啲『講唔正（音）』嘅，埋中國（官話）人堆最好，可以踩返低啲粵語正音份子」，「有得其他外江過海幫拖、打沉啲粵語正音中心份子，只要認得一個中國仲使乜廣東正音圍爐咩，一齊講官話咪幾平等...」

對於仲身處喺中國大陸嚟嘅識粵語讀者，唔應該話粵文維基百科全書就係「中華人民共和國粵地區嘅百科全書」，尤其係涉及返粵文化圈，以及其他地區方面（特別係歷史、地理同人文方面）嘅嘢，都應該要唔係基於現實政治實體嘅唯一解釋嘅話，各自各樣嘅認知觀點可能會好唔同，仲可以自由發展之間嘅睇法同共識。

粵文內部嘅中心問題舉例

以某啲現代化程度極高嘅粵文通行地嚟講，可能就會有（正統）文化中心問題，可能會咁講「講廣東話（正音粵語）嘅凈係得廣州/香港/佛山人」，但係喺呢啲地區以外嘅其他地區啲讀者，可能會噉話：「我哋住嗰度都係講粵語嘅，噉我哋住嘅係咩地方啊？」。為咗避開呢啲噉嘅嘢，就唔應該先假設一個文化背景嘅地位優勢、或者一個政治背景嘅壓力優勢之類，鼓勵返包容開放咁討論唔同地區嘅知識觀點，唔好造成一有傾唔埋欄就鬥邊個鬍鬚多、拗餐數出嚟。

對於高度認同某一地區身份嘅讀者，唔應該話粵文維基百科全書就係「屬於呢個地方（或地方所屬最高政治實體）嘅百科全書」，尤其係注意好涉及各地唔同方面（似係歷史、地理同人文方面）嘅嘢。因為有啲喺其他地頭讀者成日見到同話到嘅嘢同自己（所在地或所在地所屬最高政治實體）嘅觀點，極有可能就會發盟，搞到粵文其它地區嘅讀者都好難接受。如果遇到呢種情況，編輯者應該要寫清楚呢個觀點係出自自己地區（或地區受到嘅最強勢政治文化宣傳影響），而住喺呢啲地區以外啲人嘅觀點可能話唔同，調返轉嚟講都係一樣。

不過正文嘅名係應該按返最成日用到有攷出處嘅名，所以喺部分情況下，如果一個名喺粵語地區入面成日用嘅話，例如CD、KB、廣州、海南、足球等固有詞，噉就唔使睇佢係咪有粵語中心都可以用得，其他同佢有關嘅嘢，請睇Wikipedia:改名常規。

呢度唔係「中文」（官話）維基百科

前邊講到咗維基百科本身就唔係服務某啲政治實體或地區、亦唔係完全屬於單一小圈子嘅項目。不過較遺憾嘅係有唔少用家包括一啲有資歷嘅，仲係唔理解呢點，喺武漢肺炎時期以嚟仲嚴峻咗起身，包括有北方話背景嘅用家喺本地主張用本地未可能系統應用嘅同行評審學術同參考認證等、有著極強中文（官話）壟斷意味嘅標準。雖然本地嘅基本規範度都會同其他較完善嘅維基百科學習睇齊，但並唔代表所有嘅尺度標準同實際執行等就會係完全一樣——包括任意利用規例對啲同強勢政治文化嘅觀點或利益唔一致嘅內容等做出審查嘅做法，呢度係絕對唔會同中文（官話）維基百科嘅，

同時間本地係有意擴展返五大支柱嘅核心精神，踐行維基一般標準尺度嘅同時，會維持著一個高度開放自由嘅發展氛圍。粵文、中文、英文或其他語文圈嘅唔同用家，基於本指引嘅精神之下，遵循禮儀相互討論，都可以自由發掘兼提升呢度嘅價值魅力。嚟自唔同背景編輯嘅意見觀點等，都有機會喺度自由吸納，成為本地粵文百科嘅唔成文或成文嘅慣例、守則、典範等等，令到本地嘅共識存續落去。

呢度要再重申本地唔只係服務某啲具強勢政治文化標準嘅用戶，就算係某啲自稱有跨標準、仲係有強勢標準主張嘅用戶，都唔係唯一嘅服務對象。假定係喺粵語維基平台所寫嘅嘢，所給予嘅知識、認知、觀點意見等，唔應該係有極強嘅「中文」（官話）中心意味，同同一時間嘅政治群體意識形態有相當一致或高度重合、聯繫嘅，並有對其他文化圈嘅成分排斥度極強，含有政治宣傳同統戰等問題。喺本地如有用家嘅活動牽涉咗前述問題，同時間係相當嚴重，係可以睇做係嚴重冒犯本指引，本地管理同一般用家都可以俾做出呢啲行為嘅用家告誡、警告，或者轉介到管理留言板等。如果判斷有關被提報嘅用家係冇法溝通、未有改善嘅，而繼續明顯係主觀無視兼持續同類行為嘅，可對呢啲用家應用封禁等管理措施。

接受其他嘅語文

雖然指引係有意針對返大一統官話嘅問題，但唔代表本地就唔容納得所有嘅中文（官話）內容，只要呢啲內容係合乎返呢個指引嘅精神，提供到唔同嘅知識觀點兼促進跨文化嘅真誠互動，本地包括管理員在內都應該可以酌情處理，而唔應該機械應用單一規例過度排斥。

另外唔屬於粵語通用嘅、係的卻嚟自粵圍唔同方言嘅內容，根據返本指引精神亦係可以容納嘅，而唔應該只應用單一規例過度排斥。

包括前述陳述下嘅中文（官話）、粵語方言，加埋其他語文，由呢啲範疇產生嘅內容，除涉及大一統因素、強勢違反到咗部分規例、存在技術或常識等問題，需要釐清返係咪啱讀者閱覽嘅，本地度都應該有容納嘅空間，喺唔同個案度靈活處理。

如果由管理人士身份出發，針對唔同語文內容啲個案發表嘅意見等，都應該充分考慮返原先遵循嘅不成文或成文規例等、呢度成份指引包埋呢個章節嘅內容，仲有個案度具體，有系統咁表述返獨自嘅理解、理據同聲明等嘅管理意見。同時間因應唔同嘅個案，所包含嘅唔同觀點、意見或可能嘅共識等，本地社群同管理人士等都可合理自由檢視，仲可以循例繼續探討唔同嘅議題，保持開放多元嘅編輯角度。

有禮

華文圈入邊大一統嘅意識，由於長期高度嘅內化影響，唔好認為只會存在喺現時最強勢嘅政治文化範圍入邊，呢個係可以喺每個受到大一統影響嘅其他相對少數、相對邊緣等文化圈入邊搵到嘅。為咗更好踐行呢個指引嘅精神，本地嘅用家必須避免透過籍助大一統嘅強勢意識去打擊其他嘅觀點意見，本地用家係切勿利用最有威權背景嘅政治文化形態構築理據根基、而反擊返其他可能相對有文化中心意識但未夠最威權文化中心強大嘅唔同觀點意見——使用某啲威權中心實體話語去詮釋自己嘅觀點意見絕唔係有禮嘅做法，

咁樣做法係極可能餐食、瓦解原本嘅多元理解空間，嚴重阻礙到共議嘅重構同發展。本地嘅用家應該保持返持續平實溝通嘅意識，除咗大膽咁對最強勢政治文化威權、政治文化正統中心意識提出唔同嘅聲音，亦要勇敢咁探索返唔同文化中心、文化圈間嘅邊界同聯繫，

唔同背景嘅編輯喺參與討論或編輯等嘅活動，如有期望表達出自己嘅不安或疑慮等，應充分咁基於普世理解嘅邏輯理據，透過平實嘅鋪展明確表述返各自嘅觀點意見，去開展返一個唔先設偏見嘅過程、而唔係透過無禮嘅宣洩或言語傷害達成呢個過程。可以不停咁鼓勵本地嘅唔同用家一齊思考，對一系列唔同地區背景嘅文化同核心價值等保持唔同嘅觀點意見，同時係有禮咁表述返呢啲思考意見，共同拓闊返各自嘅視野同持續本地良好嘅發展。

編輯內容嘅處理

地理

寫同地理有關正文嗰陣，都要避開地域中心，例如中國內地嘅地名方面，至少應該要寫清楚佢喺邊個地方嘅第一級行政區劃（省）嘅單位名。

有地域中心嘅錯誤寫法：
「九龍鎮係2005之前由九佛同鎮龍呢兩個鎮合併出嚟嘅鎮。」

「地鐵東湖站喺舊時東山區入面嘅車站」

因為大多數讀者都唔知九龍鎮或東湖站或黃大仙祠喺邊度，因為中國大陸同臺灣嘅縣市級行政區劃名都可以話成好多讀者都未必識，除咗中央直轄市同比較出名嘅省會同城市之外。）

冇地域中心嘅準確寫法：
「九龍鎮喺廣東省廣州市黃埔區入面，喺2005年之前由九佛同鎮龍呢兩個鎮合併而成。」

「廣州地鐵嘅東湖站，係舊時廣州市東山區入面嘅車站。」

在粵文維基百科入面，講清楚喺邊個城市嘅最高級行政單位，最好用返第一級行政單位，都可以寫清楚喺全世界入面比較多人知嘅城市即可，例如廣州、佛山、深圳、珠海、西安、重慶、上海、天津等。

如果係外國城市嘅譯名要注意。除非個名係同普通話差唔多音，否則就一定要按返粵語嘅讀音嚟搞。

附例

呢個指引未必指明咗本地社群嘅所有唔同實踐，傳統同慣例等亦可以根據實際變化而再發展，例如本地出現嘅唔同個案，都可以因應具體情況而有唔同嘅處理，之不過都要盡可能詳細咁將個案入邊嘅唔同理解、理據同過程等記錄低公開呈現，保證成個實踐嘅透明度同認受度等。

如本地社群實踐入邊，有發現觀點意見等，或者有其他嘅慣例、判例等，覺得係豐富得到呢個指引嘅，形成得到適當嘅共識都可以加入呢度。社群亦可以適時審視呢個指引，豐富本地嘅共識發展。