碗窰

碗窰（Wun Yiu），舊寫椀陶（讀與碗窰同），香港一地，亦係村名，喺大埔南面，喺大埔河上游，卽碗窰河附近。大明時，碗窰有窰燒製磁器，因以爲名。今有已無窰，改建爲屋宇，村分上碗窰（Sheung Wun Yiu）、下碗窰（Ha Wun Yiu）。碗窰廟宇，以樊仙宮爲大，舊日庇𧙗工人。香港政府立法定大埔碗窰窰址做香港法定古蹟。

大清時碗窰屬翕和鄉，大英接收新界初期，碗窰仍歸翕和。今翕和喺大埔區內。

屋宇

碗窰以樊仙宮爲中心，喺上碗窰，側邊有碗窰公立學校，不過學校已廢，學校原本係窰地，學校家下設有碗窰展覽。