大埔河

加長咗嘅大埔河段，近廣福邨，同林村河匯合

大埔河（Tai Po River），中游又叫碗窰河（Wun Yiu River），香港一河，喺新界大埔，由大帽山以北，打鐵屻開始，流經草山、鉛礦坳、元墩下，去到碗窰，再到半山洲，然後經運頭塘邨同大埔墟火車站，最後在廣福邨附近，同林村河匯合。

史

大埔河里程牌

原本大埔河係喺當今大埔墟站附近，運頭角出大埔海。1970年代，因為起大埔新市鎮，近岸大埔海咗填海，大埔河伸到廣福邨，同拉長咗嘅林村河匯合，再喺元洲仔附近出大埔海。

2006年10月，大埔河有河道工程，以改善大埔河排洪能力，2009年做好。

保育

大埔河上游值得保育，有爬蟲類同魚類動物。只喺香港同廣東沿岸出沒嘅香港蠑螈，大埔河都有。而大埔河亦有稀有蜻蜓品種，並是觀鳥熱點，沿河則有碗窰村有造碗嘅碗窰遺址。