不丹皇軍

不丹皇軍（宗喀文：བསྟན་སྲུང་དམག་སྡེ），係一支旨在護衛不丹領土同維持內部穩定嘅軍隊。不丹國王吉格梅·凱薩爾·納姆耶爾·旺楚克係最高司令官；皇軍嘅最高指揮官係巴圖·瑟林少將。

皇軍都包括皇室衛隊，佢哋係一支直接向國王負責嘅精銳部隊，負責不丹國王、不丹王室同其他顯貴嘅人身安全。

不丹有一個非強制性嘅慣例，就係每個家庭都有一個仔去參軍；另外響緊急情況之下，政府可能會徵召民兵。

史

為咗防止中國人民解放軍從西藏進攻同嚟自印度嘅巨大壓力，不丹皇軍響1950年代成立。1958年，皇家政府引入咗一套徵兵制度同建立一個2,500人嘅常備軍。印度政府都不斷噉督促同施加壓力，要求不丹政府結束中立政策同孤立主義，接受印度嘅經濟同軍事援助。不丹接受咗印度嘅要求，結果印度陸軍負責對不丹軍隊的訓練。去到1968年，不丹嘅目標係一年招募1,000個士兵；響1990年，不丹皇軍已經有7,500個士兵。

人員

響2013年，不丹皇軍有7,500個現役軍人，比2012年少咗2,500人。

福利

不丹皇軍有軍隊福利計劃，旨在向退役人員提供貸款、退休金同就業機會。

同印度軍隊嘅關係

印度對不丹軍隊進行咗全方面同長期嘅幫助，包括供應物質同埋提供軍事訓練。印度空軍嘅直升機響2003年的嘅全清行動嗰陣，將不丹軍隊嘅傷兵運到印度去接受治療。

印度軍隊響不丹執行對不丹皇軍同皇室衛隊嘅訓練任務，呢支隊伍叫做「印度軍事教導隊」。不丹皇軍同皇室衛隊嘅軍官會俾人送到位於印度浦那嘅國防學院以及德拉頓嘅軍事學院。

DANTAK係一隊印度陸軍工程部隊，佢哋自從1961年就對不丹大約1500公里嘅道路同橋樑嘅建設同維護負責。雖然佢哋嘅初衷係為咗滿足印度嘅國防需求，但係依舊為不丹嘅經濟發展提供便利。