世界三大夜景

世界三大夜景係日本「夜景觀光Convention Bureau」主辦嘅專門研究夜景對旅遊業影響嘅夜景峰會。主辦單位根據問卷同埋實地調查後決定結果，香港、函館同埋那不勒斯成為世界三大夜景嘅合稱。

香港

内文：維多利亞港同幻彩詠香江

由太平山望落維多利亞港，圖下面係香港島嘅中環、灣仔，圖上面係九龍半島。

香港一向都有東方之珠嘅稱號，最著名嘅係維多利亞港夜景。維港兩岸係香港最繁忙嘅中心商業區，入夜後兩岸嘅摩天大廈都會亮起五彩繽紛嘅燈光，加上大廈外牆嘅廣告牌及附近住宅嘅照明燈光，構成一片美麗嘅夜景。 2004年開始，香港旅遊發展局定期舉辦幻彩詠香江燈光匯演，更被列入健力士世界紀錄大全。

維多利亞港夜景全景 幻彩詠香江

函館

從函館山觀看函館夜景

函館係日本北海道南部嘅一個港口城市，從函館山可一眼望到整個函館市嘅夜景。同香港不同嘅地方係函館嘅夜景係近似對稱嘅，而香港則係立體。

那不勒斯

從卡馬爾多利觀看那不勒斯夜景

那不勒斯又譯為那波利或拿坡里，係南意大利最大嘅港口城市。那不勒斯灣嘅夜景同函館一樣，都係比較平面嘅，遊客可以響卡馬爾多利（Camaldoli）山上觀看夜景。