中藥

中藥（粵拼：zung1 joek6，Chinese materia medica），即係響中醫理論下應用嘅藥物。包括藥材、中藥飲片、中成藥等等。其中唔少中藥響喺用之前都要炮製咗先，最早嘅醫藥典籍係漢代嘅《神農本草經》，其中記載咗包括嚟自動物、植物、礦物嘅 365 種藥。隨住近年對中藥作用同埋本質嘅深入研究，逐漸形成一個仲加科學嘅概念：中藥就係由中醫藥理論應用之下冚唪唥藥物嘅總稱。中藥唔單止包括草藥、飲片，而且包括喺傳統藥物度發現嘅新活性成分同埋組分。同而家所謂嘅「西藥」最大嘅區別就係中藥臨床應用係基於中醫藥理論。

中藥主要嚟自天然藥同埋佢嘅加工產品，包括植物藥、動物藥、礦物藥、部分化學、生物製品藥物。其中植物藥佔 80%，使用植物藥最普遍。古代本草書籍所載嘅中藥已超過三千種，經過整理之後達到萬幾種。