俄羅斯軍事

俄羅斯聯邦軍隊（俄文：Вооружённые си́лы Росси́йской Федера́ции），係俄羅斯嘅軍隊，前身係前蘇聯喺俄羅斯嘅駐軍。1992年5月，時任俄羅斯總統葉利欽簽署建立俄羅斯聯邦國防部嘅命令，接管一切俄羅斯聯邦境內嘅前蘇聯軍隊，俄羅斯聯邦軍隊正式成立。俄羅斯軍隊嘅最高指揮官係俄羅斯聯邦總統，現任總統係普京。

軍人配置

截至2005年，大約有33萬個後生仔通過每年兩次嘅徵兵進入俄軍服役；根據依家嘅俄羅斯法律，90%嘅俄羅斯後生仔唔使服兵役。

喺俄軍內部，老兵欺凌新兵嘅現象好嚴重。2007年3月，俄羅斯頒佈法令，將服役期限由24個月減至18個月， 應對呢個欺凌現象。從2008年1月起，俄軍嘅服役期進一步減到1年。

截至2005年，只有30%嘅俄軍人員屬於合同制志願兵。俄軍計劃喺2007年之前將俄軍嘅人員結構調整為70%嘅合同制志願兵和30%嘅徵召式義務兵。到2006年11月，俄軍共有大約60支部隊同78000名合同制志願兵。俄軍女兵嘅數量比男兵少得多，2007年有超過92000個女性喺俄軍服役。俄軍有好多預備役人員，以便喺常備軍無法應付衝突嗰陣緊急動員。

軍費

俄軍軍費正以30%嘅比例逐個財政年度上升，家陣嘅俄軍軍費係過去6年嘅幾乎四倍。據俄羅斯財政部長阿列克謝·庫德林聲稱，呢個軍費比例將會維持到至少2010年。俄羅斯政府2007年嘅軍費開支高達大約324億美金，但係唔少其他信息來源指出，俄羅斯實際上嘅軍事開支唔止官方公布嘅數字。