八千公

八千公（粵拼：baat3 cin1 gung1，日文：忠犬ハチ公，1923年 11月10號—1935年 3月8號），係日本史上一隻傳奇忠犬。佢嘅品種係隻秋田犬。1924年，東京帝國大學農學部教授上野英三郎開始養呢隻狗，改名做「八千公」。每日朝早八千公都會喺屋企門口睇住上野教授返工，而且喺挨晚嗰陣到澀谷站去接主人收工。1925年5月，上野因為腦溢血過咗身，但係八千公依然每日到澀谷站去等主人返嚟，直到最後自己都過埋身，一共等咗十年。後嚟呢件事畀人用嚟拍咗套電影《秋田犬八千》。