古斯塔夫六世·阿道夫
| 古斯塔夫六世·阿道夫 | |
|---|---|
.jpg) 1954年攝 | |
| 瑞典君主 | |
| 在位 | 1950年10月29號ー1973年9月15號 |
| 加冕 | 1950年10月29號 |
| 前任 | 古斯塔夫五世 |
| 繼任 | 卡爾十六世古斯塔夫 |
| 配偶 | 干諾嘅瑪嘉烈公主 路易絲蒙巴頓 |
子嗣 | |
| 家族 | 伯納多特王朝 |
| 父王 | 古斯塔夫五世 |
| 母后 | 巴登嘅維多利亞 |
| 出世 | 1882年11月11號 |
| 出世地 |  瑞典斯德哥爾摩斯德哥爾摩王宮 |
| 死 | 1973年9月15號（90歲） |
| 死地 | 瑞典斯堪尼省希星堡希星堡醫院 |
| 陵墓 | 瑞典索爾納市 |
古斯塔夫六世·阿道夫（瑞典文：Gustaf VI Adolf，1882年11月11號—1973年9月15號），全名奧斯卡·費特力·威廉·奧拉夫·古斯塔夫·阿道夫（瑞典文：Oscar Fredrik Wilhelm Olaf Gustaf Adolf），係瑞典國王，1950年至1973年在位。
簡歷
[編輯]
古斯塔夫六世1882年響斯德哥爾摩王宮出世，係時任王儲嘅古斯塔夫五世同維多利亞共同嘅第一個細路。佢一出世就畀人封為斯堪尼公爵。佢係伯納多特王朝嘅成員；如果由阿媽嘅血統嚟睇，佢又係瓦薩王朝嘅後人；同時佢亦有荷斯地因ー戈托普王朝嘅血統。
1902年，佢入讀烏普薩拉大學，除咗修讀歷史系、經濟學、藝術系之外，佢對考古都好有興趣。響呢段時間，佢仲接受咗軍事訓練；入大學嘅同一年佢做咗軍官。
1907年12月8號，阿爺奧斯卡二世走咗，由老豆古斯塔夫繼位，而佢自己亦升為王儲。
1909年，佢響軍事學院畢業後成為騎兵上尉，之後軍銜係咁升，最後響1928年升做中將。
1934年9月到12月，佢同老婆一齊到中東訪問。
統治時期
[編輯]1950年10月29號，古斯塔夫王儲響老豆古斯塔夫五世走咗之後，繼位做國王，係古斯塔夫六世·阿道夫。佢響登基嗰陣已經六十七歲，做咗四十幾年嘅王儲，係當時世上做得最耐嘅儲君（後嚟畀外甥孫查理斯三世響2016年11月打破）。
古斯塔夫六世阿道夫嘅性格好受民眾歡迎，而佢對專業領域嘅知識同興趣亦為佢贏得尊重。一啲想要追求民主嘅瑞典人希望推翻君主制，但唔能夠成事。
雖然早就響1917年確立機制，主要係靠首相同內閣去運作一個政府，但國王響紙面上都保留咗好大權力。除咗少數一啲例外嘅情況，國王都係要聽政府嘅意見做嘢。
1973年9月15號，古斯塔夫六世·阿道夫因為肺炎而令到身體狀況轉差，最後響希星堡嘅一間好古老嘅醫院走咗，終年九十歲。死後，由二十七歲嘅長孫卡爾·古斯塔夫繼位，係卡爾十六世·古斯塔夫（卡爾·古斯塔夫個老豆，古斯塔夫六世個大仔古斯塔夫·阿道夫親王響1947年因空難而早死）。佢亦係古斯塔夫五世三個仔入面最長命嘅。
古斯塔夫六世響臨走前批准咗一個新法案，即剝奪埋國王目前剩低嘅權力，令國王變成一個象徵式領袖。呢個法案響佢走咗之後兩年獲得通過。
屋企
[編輯]_Adolf_of_Sweden_w_fam_07729v.jpg)
1905年6月15號，古斯塔夫響溫莎堡聖佐治堂同表妹干諾嘅瑪嘉烈公主結婚。瑪嘉烈係第一代干諾及斯特拉森公爵阿瑟親王個女，維多利亞女皇同亞厘畢親王個孫。佢哋有五個仔女。而瑪嘉烈響1920年5月1號突然之間死咗，死因係敗血病；當時，佢仲有咗八個月。
1923年11月3號，古斯塔夫續娶路易絲蒙巴頓，婚禮響聖占士宮搞。路易絲係路易·亞歷山大·蒙巴頓個女，第一代緬旬蒙巴頓伯爵路易蒙巴頓個家姐，亦係愛丁堡公爵菲臘親王嘅姨姨。兩個人有一個響1925年5月30號出世、但死產嘅女。
| 名 | 銜頭 | 生死 | 配偶 | 仔女 |
|---|---|---|---|---|
| 古斯塔夫阿道夫親王 | 西博藤公爵 | 1906年ー1947年 | 施比拉公主 | 瑪嘉烈塔公主 貝爾吉塔公主 德茜維公主 基斯堤娜公主 卡爾十六世古斯塔夫 |
| 西格法德親王 | 烏普蘭公爵 | 1907年ー2002年 | Erica Maria Patzek Sonja Christensen Robbert 瑪麗安娜·伯納多特 |
米蕭伯爵西格法德 |
| 瑛格烈公主 | 丹麥王后 | 1910年ー2000年 | 費特力九世 | 瑪嘉烈二世 本尼迪克公主 安妮-瑪麗王后 |
| 伯達爾親王 | 哈蘭公爵 | 1912年ー1997年 | 莉蓮·梅·戴維斯 | |
| 卡爾·約翰親王 | 達拉納公爵 | 1916年ー2012年 | Kerstin Wijkmark Gunnila Bernadotte |
基斯頓·伯納多特 莫妮卡·伯納多特 |