君士坦丁堡

君士坦丁堡（希臘文：Κωνσταντινούπολις），係土耳其最大城市伊斯坦堡嘅舊名，而家就指伊斯坦堡金角灣同馬爾馬拉海之間嘅地區。喺公元330年至1453年期間係拜占庭帝國嘅首都。

君士坦丁堡原名拜占庭，羅馬帝國皇帝君士坦丁大帝響公元330年5月11號定都喺度，就出現咗「君士坦丁堡」呢個名。君士坦丁就將呢度叫做新羅馬（拉丁文：Nova Roma；希臘文：Νέα Ρώμη），但係呢個名好少人用。響公元12世紀，君士坦丁堡係成個歐洲規模最大而且最為繁華嘅城市。