國家展覽場

CNE 舉行期間嘅國家展覽場

國家展覽場（英文：Exhibition Place）係加拿大國家展覽會（CNE）嘅舉辦場地；位置喺多倫多安大略湖湖邊，1879年開幕，佔地192英畝，年度人流大約 550 0000 人次，除咗 CNE 之外每年舉辦大約 1800 個其他活動。

嗰度亦算係一個公共運輸嘅中樞，出面有多倫多街車嘅街車總站同 GO 火車站，將來嘅安大略綫亦會有站喺度。

用嚟起國家展覽場嘅大部分地皮其實係1813年約克堡之役戰場嘅遺址，亦係1841年起嘅新約克堡嘅原址所在，但係新約克堡大部分已經喺1950年代拆咗用嚟起國家展覽場嘅地面停車場，拆剩史丹利軍營（Stanley Barracks），不過新約克堡嘅地基同其他古物成個4公頃嘅遺址其實原封不動咁封死咗喺停車場底下。