大浪灣道

大浪灣道（英文：Big Wave Bay Road）係香港島東岸近石澳嘅石澳道髮夾彎個位，叉去到大浪灣一條路。係去大浪灣海灘同大浪灣村唯一車路。大浪灣道沿途有啲屋，多數都係香港一啲有錢人住。例如香港電訊盈科主席李澤楷，就住喺門牌12號。而另一富豪許晉享，就住喺10號。趙世光就嚮大浪灣道13號屋。

特色

大浪灣道係無起高樓大廈，交通出入只有一條巴士路線。樓盤成交好少，伙伙望大浪灣海景，自設私家路、車房、花園、游水池咁。大浪灣道係條掘頭路，西北盡頭係大浪灣村、大浪灣海灘，有燒烤場設施。